2024: Polisi liwang osuau
Kointutunan
Kigaab o Tinumungan Panganjul Wikimania do popotounda koiyonon om koinganan poingukab om aiso do kakasou montok toinsanan tulun, au mogintong do koulunan, orentasi seksual, identiti toi ko' ekspresi koulunan, ketidakupayaan, kowoowoyoo fizikal, umul, tinaru, etnik, piomungan politik, pogun tadon toi ko' ugama-om amu poinrontob kumaa aspek-aspek diti. Au yahai bertolak ansur miampai do nunu nopo bontuk i kakasou kokomoi do mamampayat id persidangan. Boros om imej seksual nopo nga au kosudong id nombo nopo koiyonon id persidangan toi ko' carama. Nombo nopo mamampayat i au katanud do kooturan diti milo ontokon do sanksi toi ko' polobuson mantad do persidangan tumanud do budi boros panganjul persidangan.
Garis tonudon do kaampayatan
Tinimungan panganjul nopo nga komited do manahak koinganan di osonong montok do toinsanan mamampayat. Mantad di, toriirimo yahai do miintong-intong kokomoi poingkuro o kowoowoyoo di mamampayat id koiyonon do Singapura om nogi id platform maya talian ii maan dahai intangai maamaso do abaabayan dii. Mongunsub kopio yahai do sokodung di positif om kowoowoyo do tosonong mantad toinsanan mamampayat om nogi pointounda yahai do manahak rontob toi ko' momugas kaampayatan sosongulun di au katanud garis tonudon dahai diti.
Kowooyowoyoon lansanon
Mongunsub do kowoowoyoon di positif om osuau. Mamagatang tua pomusarahan, gaya om kokitanan tulun kokomoi idea tiso om tiso. Kopuriman do tulun suai nopo nga kiwaa taang koilaan di mogisuusuai, kabaalan om tadon di misuai mantad dokoyu. Toririmo poingukab id nunu nopo kowoowoyoo di mogikaakawo om au kotunud. Mamantang do toinsanan tulun id toinsanan pitimbungakan om nogi komunikasi. Pisorou-sorou o bagas om poingkuro woyo titoluod nu (mesej, pilumaagan, tisuli) do kaanu kanto mamarahung do tulun suai. Pogulu do mimboros toi ko manahak mesej (loolobi no minggaso toi ko' kritikan) maganu po timpu do muhot nung osindualan o ginawo do tulun suai ko au kokomoi di komen toi ko' mesej dokoyu. Sumiliu do potilombus, momorun om nogi positif.
Pantango o privasi om rahsia do tulun suai. Soboogian mantad do mamampayat nopo nga momoguno ngaran pamalahawan om popisuai do identiti kopiipio diolo. Kada no kopio panahak do maklumat sompori-pori dokoyu miagal do (ngaran kopiipio, koiyonon, orentasi seksual, gambal...) nung aiso do kointalangan do totootopot mantad diolo. Torimoo do kiwaa tulun i au manu do monimbar ponguhatan peribadi.
Piintong-intong o liwang di onuon dokoyu. Maamaso do pilumaagan toi ko' id tinimungan kalaja, okon ko iya songulun no i mimboros om monuat. Minog do manahak kou koiyonon di kabagal montok do tulun suai moi yolo nga kaampayat, om monokodung do pilumaagan om okon ko monolog. Unsubo kaampayatan opurokis mantad toinsanan mamampayat, loolobi no montok tinimungan i au ogumu mobi (tongoondu*, okon ko mobooboros sandad do boros tina, kawaawagu nokorikot).
Mokianu do kouhupan nung minog. Persidangan nopo diti nga papaampai do mogikaakawo uhu i popohompit do ogumu kakamot, teknologi, om gana koilaan di mogisuusuai. Aiso i tulun di koilo kokomoi do toinsanan, om au monguro do muhot sokiro haro ponguhatan toi ko' manu do kouhupan kokomoi do iso ahal. Mokianu no kouhupan nung manu!
Uhupai tulun suai. Nung kiwaa o toilaan dokoyu di lobi aralom kokomoi uhu pointantu, toi ko' kikabaalan di poimbida montok mogihum do dokumentasi sundung do poinlisok ii, uhupai o tulun suai. Moguhup nopo nga okon kirati do momonsoi kalaja montok diolo: Milo kou nogi do sumuku kumaa dokumentasi di kiguno, monimbar poguhatan, om poposogu ponginsanangan daamot.
Koimaan di au otorimo.
Toririmo o tinimungan panganjul do miintong-intong kokomoi gana potilombus om milo maganu do kootuson daamot toi ko' mogilag do mamampayat miampai poinggonop i momonsoi koimaan di korutum montok do tulun suai.
Kakasahan: Popohompit iti do kenyataan di moninduol kokomoi koulunan, orentasi seksual, ketidakupayaan, kowoowoyoo fizikal miagal do bontuk tinan, etnik toi ko' kotumbayaan, gambalan ii kikowoowooyoo seksual, ugutan di tinomod, mongilot, penganiayaan, fotografi toi ko' rakaman i au haro kasagaan, kakasahan di miguli-guli id suang kuliah om abaabayan suai, kinamaan koinano miampai aiso kasagaan om perhatian seksual i au maan. Tulun di noonuan no do pogoduhan kokomoi koimaan winonsoi miagal diti nopo nga mminog pitilombusan do potingkodon. Nung kohompit o mamampayat id kowoowoyoo mangasou, milo o panganjul persidangan maganu tindakan kosudong, kohompit do manahak pogoduhan kumaa di nakasala toi ko' polobuson mantad persidangan. Nung akasou kou, kopuriman do akasou o tulun suai, toi ko' kiwaa katangaban suai, milo do rumomut do puru kakitangan persidangan miampai potilombus. Otutunan o kakitangan persidangan maya do lansana poimbida.
Korongitan om korongitan koligogon nopo nga au otorimo - id suang talian toi ko' labus talian. Iti nopo nga kohompit no do hasutan korongitan kumaa isai-isai nopo, kaampai no i kaanu mongunsub sosongulun do moninduol tinan sondii. Kohompit nogi iti do papasarabak toi ko mongugut do papasarabak maklumat kointutunan psompori-pori do tulun suai ("doxxing") id suang talian toi ko labus talian.
Serangan Peribadi kokomoi konflik nopo nga nga tantu no do koimbulai, nga kosindualan nopo diti nga au milo silihon sabaagi do serangan peribadi. Au apatong do popinraat, popoinsiriba do tulun suai. Menyerang sosongulun montok do tisuli, kotumbayaan om nogi tua pomusarahan diolo nopo nga au otorimo.
Perhatian Seksual ii au maan: Kohompit no do tisuli, minggaso toi ko' imej id suang pitimbungakan ii kikowoowooyoo do seksual, pibarasan toi ko' koposolimbahan, miampai imej toi ko' teks seksual. Piromutan fizikal di wonsoyon (miagal emoji do "sium") miampai aiso o kasagaan afirmatif nopo nga au otorimo.
Suang tonsi i au maan, popokito tonsi, gambal toi ko' pautan i aiso pionitan miampai uhu maamaso. Mihulit-hulit do popokito tonsi, gambal id pautan kokomoi uhu i au pinokianu do isai nopo. Promosi do miguli-guli kokomoi tisuli, medium, kakamot toi ko' projek natantu miampai do au pinokianu. Kohompit nogi iti do: miguli-guli monguhot poguhatan di miagal nopo soira mumbal o mamampayat suai do monimbar, moguhot tudio di umum om aiso piromutan potilombus do projek di mamaso wonsoyon do tulun suai, om momolohou ngaran tulun montok mokiany tisuli om sinorou diolo kokomoi uhu pointantu.
Mokianu do sokodung/ponguhupan
Kiwaa o tinimungan tulun di pinatantu dahai montok mogintong pibarasan om koiyonon pibarasan montok mongilo do impohon nopo di pinotolinahas nga atanud. Kiwaa o tinori diolo do papalabus isai nopo i au katanud do impohon mantad do boogian tisuli, pad om nombo nopo koiyonon pilumaagan suai id siriba kapanamangan tinimungan persidangan. Haro nogi o tinori diolo do mongilag miampai potimporon isai nopo i au katanud impohon dii miampai atalang om/toi ko' potilombus.
Agayo o ginawo do kakitangan ngawi monguhup momimiilantoi do rumomut di koumoligan hotel/koiyonon toi ko' ponguatkuasa undang-undang koiyonon, popotounda do mongungumolig, toi ko' monguhup diolo i nakasou moi do kopuriman do oumolig solinaid koindalan o persidangan. Mamagatang yahai do korikatan dokoyu.
Nung kopuriman kou au oliwawos maamaso abaabayan toi ko' kopuriman do impohon id sawat nopo nga au tinanud, gunoon o maklumat piromutan poimbida montok abaabayan di pinalabus id bolikan romuto.