विकिमेनिया:२०२६
Liberté, Équité, Fiabilité
ई आयोजन केरौ एगो भाग प्रारंभिक विकिपीडिया परियोजना सब केरौ २५वाँ वर्षगाँठ केरौ उत्सव भी छेकै।
Part of the gathering is the celebration of the 25th anniversary of the pioneer Wikipedias.
विषय
विकिमेनिया पेरिस केरौ विषय-वस्तु छेकै: 'लिबर्टे, ईक्विटे, फियाबिलिटे' (आज़ादी, समता, विश्वसनीयता)। एक साथ मिली क॑, ज्ञान, समता आरू आज़ादी के रक्षा करियै। Together, let’s protect knowledge, equity and freedom.
हम्में सिनी विकिपीडिया केरो निर्माण के २५ साल पूरा होला पर खुशी मनाय रहलौ छियै। फेरु भी, ई मुक्त ज्ञानकोश आरू एकरो पूरा इकोसिस्टम (तंत्र) लेली दुनियां अखनी एतना खतरनाक कहियो नै छेलै।
हम्में राजनीतिक आरू मीडिया केरो हमला स॑ केना बचअ सकै छियै, अलग-अलग भाषा के विकिमीडियन समुदाय आरू दोसरौ डिजिटल कॉमन्स के बीच एकता (एकता) क केना बढ़ाबअ सकै छियै, आरू एगो समावेशी जगह केना सुनिश्चित करअ सकै छियै जैन्जाँ विकिमीडियन सब एक साथ भविष्य के सपना देखअ सकै?
विकीमेनिया २०२६ मुक्त ज्ञान के पहुँच क॑ बचाबै लेली काम करै के एगो मौका छेकै।
एगो बहुत जादा ध्रुवीकृत होलो जाय रहलो दुनिया मँ, जैन्जां लोकतांत्रिक मूल्य कमज़ोर पड़लो जाय रहलो छै, वैज्ञानिक आरू ऐतिहासिक मतैक्य प॑ बार-बार सवाल उठैलो जाय छै, आरू ऑनलाइन भागीदारी प॑ लगाम कसै के निरंतरता बढ़लो जाय रहलो छै, विकिमीडिया परियोजना ज्ञान के संसार म॑ अपवाद छेकै।
ई परियोजना सब ज्ञान साझा करै लेली एगो ऐसनो मंच प्रदान करै छै,जहाँ दृष्टिकोण केरो संतुलन एगो नियम छेकै, आरू विचार प बहस आरू आम सहमति के खोज एगो एक साझा परियोजना छेकै।
पच्चीस साल मँ, योगदान दै वाला ऑनलाइन समुदाय सिनी एकटा डिजिटल 'कॉमन गुड' (सार्वजनिक हित) बनाबै मँ सफल रहलौ छै, जेकरा प॑ सब कोय भरोसा करअ सकै छै— जेकरा मँ विद्यार्थी, पत्रकार, वैज्ञानिक... आरू साथें-साथे जेनरेटिव एआई आरू सर्च इंजन भी शामिल छै।
तभियो, ई संसाधन प॑ अब॑ खतरा छै: सौंसे दुनिया के राजनेता आरू संगठन चाहै छै कि विकिमीडिया फाउंडेशन आरू विकिपीडिया क बंद करी देलौ जाय, ओकरा प॑ अपनौ उग्र विचार थोपी देलौ जाय, एतने नै, एआई क॑ प्रशिक्षित करी क॑ छद्मनाम (pseudonyms) के पीछू के योगदानकर्ता सिनी क॑ चिन्हित करी क, हुनकौ नागरिक पहचान उजागर करी क ओकरा सिनी क उत्पीड़न (harassment) केरो लक्ष्य बनाय ल चाहै छै।
ज्ञान बाँटना निष्पक्ष (neutral)काम नै होय छै, आरू ई निस्वार्थ काम आज खतरा मँ छै।
ई डराबै-धमकाबै, व्यक्तिगत डेटा के खुलासा करै के, सेंसरशिप करै के,स्वतंत्रता सँ वंचित करै के, या एकरा सँ भी बदतर, ऐसनो कृत्य छेकै जेकरो कारण सँ विश्वकोश आरू एकरा मँ योगदान दै वाला आरू एकरो समर्थन करै वाला लोगौ के सुरक्षा नितांत आवश्यक छै।
हम्में एगो ऐसनो संसार के सपना देखै छियै जैन्जाँ हर कोय, चाहे वू कोय भी लिंग, मूल या भाषा के हुअय, विश्व केरो ज्ञान क साझा करअ सकअ। ई सपना क साकार करै लेली, हम्में विकिमीडिया आरू ओकरौ सहयोगी सब लेली एगो सुरक्षित, समावेशी, बहुभाषी साझाकरण स्थान सुनिश्चित करै ल परतै। ई लेली, विकिमेनिया पेरिस विकिमीडिया पारिस्थितिकी तंत्र केरो तीन मूलभूत मूल्यौ प केंद्रित होतै: स्वतंत्रता, समता आरू विश्वसनीयता।
आजादी
हमरौ ई सम्मेलन विकिमीडिया परियोजना सब के मूल मँ निहित मूलभूत आजादी केरो अन्वेषण करै के लक्ष्य रखै छै, जेकरो उद्देश्य सार्वभौमिक भागीदारी आरू ज्ञान संबंधी बाधा सब क दूर करना छै।
हमरौ ई दृढ़ विश्वास छै कि सब क अपनौ ज्ञान क स्वतंत्र रूप सँ साझा करै के अवसर मिलना चाहिय्यौ।
सहभागिता केरो आजादी आरू अभिव्यक्ति केरौ आजादी, स्वस्थ आरू खुला बहस के जगह बनाबै लेली बहुत जरूरी छै, जेकरा सँ हर आवाज़ सुनलो आरू सम्मानित हुअय सकअ।
ई आजादी सब ई सुनिश्चित करै लेली महत्वपूर्ण छै कि सब्भे दृष्टिकोणो के प्रतिनिधित्व हुअय आरू चर्चा सब रचनात्मक आरू समावेशी बनलौ रहै।।
हमरो सम्मेलन केरो एगो आरू महत्वपूर्ण पहलू छै – सामग्री (कन्टेन्ट) क॑ संपादित, पुनरुत्पादित आरू वितरित करै के आजादी, जेकरा 'मुक्त लाइसेंस' (Free Licenses) सँ संभव बनाय देलो जाय छै।
ई लाइसेंस सहयोग आरू नवोन्मेष (Innovation) क॑ आसान बनाबै छै, जेकरा सँ सब कोय शैक्षिक आरू सांस्कृतिक संसाधनो मँ योगदान करअ सकै छै आरू ओकरा सँ लाभ उठाबै सकै छै।
छद्मनाम (Pseudonymity) के आजादी भी एगो मुख्य विषय छेकै। कैन्हें कि ई सब क॑, अनुचित अभियोजन या धमकियो के डर के बिना हिस्सा लै लेली सक्षम बनाबै छै। ई प्रकार ई योगदानकर्ता (Contributors) के पहचान क॑ सुरक्षित रखै छै आरू हुनकरो सुरक्षा सुनिश्चित करै छै।
अन्त मँ, हम सब जुड़ाव केरौ आजादी आरू स्वशासन पर, साथ ही जानकारी केरौ आजादी आरू उत्तम गुणवत्ता केरौ सामग्री प॑ पहुँच प॑ जोर दैबै।
हमरा विश्वास छै कि हर एक क॑ उत्तम शिक्षा आरू संस्कृति केरो साधन मिलै के चाही।
नवाचार (Innovation) केरौ आजादी प॑ भी बात होतै, कैन्हेंकि ई ऐसनो औजार बनाबै के अनुमति दै छै जे ज्ञान बाँटै मँ आसानी पैदा करै छै, आरू ई सुनिश्चित करै छै कि विकिमीडिया परियोजना सब नवाचार मँ सबसं आगू बनलौ रहै आरू ई ग्रह प॑ हर आदमी लेली ज्ञान क॑ मुफ्त मँ उपलब्ध करैतें रहलौ जाय।
समता
जबकि समानता केरो उद्देश्य सब क समान अवसर प्रदान करना छै, समता के लक्ष्य हरएक व्यक्ति केरो विशिष्ट आवश्यकता सब के अनुसार न्यायसंगत साधन उपलब्ध कराना छै।
हम्में सब न्याय आरू पहुँच के मुद्दा पर ध्यान देबै, जे ई सुनिश्चित करतै कि हरेक व्यक्ति सामूहिक ज्ञान निर्माण मँ भाग लै लेली जरूरी तकनीकी आरू सामाजिक साधन रखै छै।
सच्चा सर्वव्यापी साझा ज्ञान सुनिश्चित करै लेली, जे मनुष्य केरौ विविधता क॑ भी दर्शाबै छै, ई जरूरी छै कि ज्ञान क॑ बनबै आरू उपयोग करै के केन्द्र मँ न्याय क॑ राखलौ जाय।
हम्म॑ मानै छियै कि खाली स्वस्थ आरू सुरक्षित वातावरण मँ एगो बहु-सांस्कृतिक आरू समावेशी अभ्यास, ही निष्पक्ष विचार लानै सकै छै आरू वू सब पक्षपात क॑ दूर करै सकै छै जे आज भी हम्मरौ परियोजना आरू समुदाय मँ मौजूद छै।
विश्वसनीयता
ई ल॑ जरूरी छै कि विकिमीडिया प्रोजेक्ट प॑ जौन सामग्री साझा करलौ जाय छै, ओकरौ सत्यापन-योग्यता (verifiability), तथ्यात्मकता (factuality) आरू तटस्थता (neutrality) प॑ खास ध्यान देलौ जाय।
ई सब करै लेली जौन स्रोत (sources) चाही, हम्मँ ओकरा प॑ जोर देबै, खास करी क॑ ऐसनौ समय मँ जबअ वैज्ञानिक विश्वसनीयता आरू पत्रकारिता केरौ काम केरौ साख (credibility of journalistic work) प॑ लगातार हमला होय रहलौ छै।
हम्मँ एक महान् आंदोलन (universal movement) केरौ रूप मँ अपनऽ जिम्मेदारी प॑ भी सवाल उठायबै, जे कि मानव द्वारा निर्मित आरू सत्यापित, विश्वसनीय आरू मुफ्त मँ उपलब्ध ज्ञान पैदा करै मँ सक्षम छै।
हम्म॑ सब वैश्विक सूचना क्षेत्र (Global Information Space) म॑ अपनो भूमिका पर भी चर्चा करबै, आरू ई म॑ हमरो आंदोलन (Movement) कैन्ह॑ योगदान करै छै, आरू कैन्ह॑ ई योगदान करतें रहना चाहिय्यो, ई पर भी बात करबै। हमरा सब क॑ विकिमीडिया आंदोलन के निरंतरता (Sustainability) आरू अखंडता (Integrity) के सवाल अपनो-आपसं॑ पूछना छै।
आखिर मँ
हमरा ई आशा छै कि ई विकिमेनिया सँ हम सब ऐन्हो मूल्यो मँ नयौ विश्वास, अधिक सामंजस्य, मजगूत एकजुटता, आरू राजनीतिक व मीडिया हमला सब के प्रति जादा लचीलापन के साथ विदा होबै, ताकि हम सब भरोसेमंद, तटस्थ,आरू स्वतंत्र जानकारी साझा करना जारी रखअ सकौं।
आयोजन सहयोगी
Wikimania throughout the years
Frankfurt 2005 ● Cambridge 2006 ● Taipei 2007 ● Alexandria 2008 ● Buenos Aires 2009 ● Gdańsk 2010 ● Haifa 2011 ● Washington, D.C. 2012 ● Hong Kong 2013 ● London 2014 ● Mexico City 2015 ● Esino Lario 2016 ● Montréal 2017 ● Cape Town 2018 ● Stockholm 2019 ● online 2021 ● online 2022 ● Singapore 2023 ● Katowice 2024 ● Nairobi 2025 ● Paris 2026