2023:Wikimania/Hō͘ chham-ka chiá ê tiān-chú phoe 1
Lí-hó!
Chit-má lī lán Wikimania kan-ta chhun 2 lé-pài. Goán chin jia̍t-chhiat beh lâi hoan-gêng--lín. Goán ū chéng-lí chi̍t hūn hō͘ chham-ú chiá ê soat-bêng su, pau-hâm tiûⁿ-tē, tī Sin-ka-pho iû-lám koh ū sòaⁿ-téng oa̍h-tāng pêⁿ-tâi téng-téng ê chûn-sin thang chham-khó. Chhiáⁿ tiám chia lâi tha̍k, iû-kî ū beh lâi Sin-ka-pho chham-ka ê lâng chhiáⁿ te̍k-pia̍t chù-ì chia lí su-iàu ê lú-hêng ê chu-sìn! Koh mā ū kan-ta bûn-jī, bô tô͘ ê pán-pún.
Goán mā chhiáⁿ lín ē-tàng chham-khó chit pái ê gī-têng. Koh mā ū chi̍t kóa chhù-bī hó-sńg ê oa̍h-tāng thang chham-ka, pau-hâm múi nî lóng ê pan-chióng--ê Nî Tō͘ Wiki Mûi-thé Lâng Chióng.
Beh tī sòaⁿ-téng chham-ka ê lâng, chhiáⁿ lâi chham-ka goán chún-pī ê oa̍h-tāng pêⁿ-tâi eventyay ê tō-lám. Lí ē-tàng liáu-kái án-chóaⁿ siat-tēng lí ka-tī ê hêng-têng, beh án-chóaⁿ ōaⁿ khì bô kāng-khoán ê hōe-gī sek, kap kî-thaⁿ chham-ú chiá khai-káng, chhòng chi̍t ê ka-tī ê siòng-phìⁿ kap kò-jîn siāu-kài téng-téng. Tō-lám ê ji̍t-kî, sî-kan kap bāng-liân-á chhiáⁿ khòaⁿ Wikimania ê oa̍h-tāng ia̍h-bīn. Tong-jiân, goán ē chiong lo̍k-iáⁿ-tòa pho͘ chiūⁿ bāng hō͘ hiah ê bē hù tī sòaⁿ-téng siāng-sî chham-ka ê lâng. Nā ū thong-e̍k ê su-kiû, chhiáⁿ siá phoe hō͘ email wikimania
wikimedia.org, tī phiau-tê chhiáⁿ chù-bêng "Sòaⁿ-téng tō-lám thong-e̍k".
Nā beh hiān-tiûⁿ chham-ka ê lâng, goán siūⁿ-beh iau-chhiáⁿ lín lâi chham-ka chit pái Sin-ka-pho gián-thó-hōe í-gōa ê chi̍t kóa oa̍h-tāng. Ùi 8 goe̍h 15 khai-sí kàu 20 hō, ū chi̍t kóa iû bô kāng ê siā-kûn thoân-thé kap kî-thaⁿ ha̍p-chok cho͘-chit in pān--ê oa̍h-tāng ē-tàng chham-ka. Chhiūⁿ khòaⁿ siòng-phìⁿ kiâⁿ-ta̍h, siâⁿ-chhī iû-lám, phian-chi̍p kang-chok hong, tô͘-su-koán tō-lám téng-téng. Miâ-gia̍h iú-hān, só͘-pái, chhiáⁿ ài seng ū-tēng o͘h!
Kám-siā, kî-thāi lán lâi siong-hōe!
- 2023 Wikimania He̍k-sim Cho͘-chit Thoân-tūi