Tsióng-tsōo-kim/Tsia̍p-mn̄g ê Būn-tê

I-hā sī kah Wikimedia ki-kim-huē tsióng-tsōo-kim hāng-bo̍k, iú-kuan-ê tsia̍p-mn̄g ê būn-tê, í-kip sik-iōng tī 2020-nî Wikimania ê tah-àn.

Nā-sī lí-ê būn-tê bô tit--tio̍h kái-tap, tshiánn liân-lo̍k wikimania-scholarshipswikimedia.org wikimania-scholarships@wikimedia.org ia̍h-sī teh Talk:Scholarships liû-giân.

Kài-su̍t

Mn̄g: Wikimedia ki-kim-huē tsióng-tsōo-kim sī siánn-mih?

Tap: Tsióng-tsōo-kim sī lâi tsu-tsōo siū-tsōo-tsiá tsham-ú 2020-nî 8-gue̍h 5-jit teh Thàikok Bangkok kí-hîng ê Wikimania 2020. Tsia--ê tsu-kim tio̍h-beh hōo Wikimedia ki-kim-huē lâi thê-kiong, iōng-lâi kai-kuat tuà-hioh-huì, huē-gī tsù-tsheh-huì tíng-tíng huì-iōng. Tsuân-gia̍h tsióng-tsōo-kim koh pau-kuat kau-thong huì-iōng.

Mn̄g: Sóo-ū--ê tsióng-tsōo-kim kám lóng-sī iû Wikimedia ki-kim-huē lâi tsi-hù--ê?

Tap: M̄-sī, tsi̍t-kuá--ê Wikimedia tsoo-tsit, pí-jū Wikimedia hun-huē kah Wikimedia tsuan-gia̍p tsoo-tsit ka-tī lâi thê-kiong tsióng-tsōo-kim – tshiánn tsham-ua̍t #Wikimedia tsoo-tsit ê tsióng-tsōo-kim ê ia̍h-bīn án-ne tō ē-lâi the̍h--tioh koh-khah tsē ê sìn-sit.

Mn̄g: M̄-tsai-á siáng ē-sái sin-tshíng Wikimedia ki-kim-huē ê tsióng-tsōo-kim?

Tap： Jīm-hô-jîn lóng ē-tàng thê-kau tsióng-tdōo-kim ê sin-tshíng. Put-jî-kò, tsióng-tsōo-kim kán-ná tuì buán-tsiok ti̍k-sìng iau-kiû ê sin-tshíng-tsiá huat-hòng. Tshinán tsham-ua̍t #Tsióng-tsōo-kim the̍h--tioh ê tsu-keh.

Mn̄g: Ū hìng-tshù ê iōng-tsiá ē-tàng teh tó-uī thê-kau sin-tshíng án-ne ē-sái lâi tit--tio̍h Wikimedia ki-kim-huē ê tsióng-tsōo-kim?

Tap: Tsham-ua̍t Thê-kau sin-tshíng.

Mn̄g: Siánn-mih sî-tsūn sin-tshíng kiat-sok? Siánn-mih sî-tsūn huat-pòo kiat-kó?

Tap: Tsham-ua̍t Tiōng-iàu ê ji̍t-tsí, lāi-té ū-hâm uân-tsíng ê Wikimedia ki-kim-huē tsióng-tsōo-kim kè-uē ê sî-kan-pió.

Mn̄g: Iōng-tsiá kám ē-tàng teh tsiat-tsíji̍t-kî liáu-āu Wikimedia ki-kim-huē tsióng-tsōo-kim ê sin-tshíng?

Tap: Uī khak-pó tsuè-tsiong kuat-tshik ê kiat-kó kā-i tsún-sî, kong-tsìng ê kong-pòo hōo--kî-thann ê sin-tshíng-tsiá, kuè-kî ê sin-tshíng tio̍h bē-hông tsiap-siū. Kiàn-gī tsì-tsió tī tsia̍t-tsí ji̍t-kî ê tsîng-kuí-kang thê-kau sin-tshíng,í phiah-bián sin-tshíng khì-hōo làu-kau.

Mn̄g: Wikimedia ki-kim-huē ê sin-tshíng-tsiá án-tsuánn tit-tio̍h kiat-kó ê thong-ti?

Tap: Ìng-iōng ting-sū lāi-té theikiong ê e-mail tē-tsí tio̍h iōng-teh thong-ti sin-tshíng-tsiá in-ê sin-tshíng kám-ū sîng-kong. Bô-lūn kiat-kó sī án-tsuánn, sin-tshíng-tsiá lóng-beh teh ti̍k-tīng sî-khik siu-tio̍h thong-ti. Tsham-ua̍t Tsióng-tsōo-kim#Tiōng-iàu ê ji̍t-tsí án-ne tio̍h ē-sái liáu-kái ū-tīng ê thong-ti ji̍t-kî.

Mn̄g: Wikimedia ki-kim-huē tsióng-tsōo-kim huat-hòng ê kui-tsik sī siánn-mih?

Tap: WMF ê uân-kang kah Tsióng-tsōo-kim uí-uân-huē tio̍h-beh tshái-iōng ū-tīng ê suán-ti̍k ting-sū kah suán-ti̍k piau-tsún, án-ne iōng-lâi sím-hi̍k sóo-ū ê Wikimedia ki-kim-huē tsióng-tsōo-kim ê sin-tshíng, koh khak-jīn sîng-kong ê sin-tshíng-tsiá.

Mn̄g: Sin-hing siā-khu/Sin siā-khu kah i-kīng kiàn-li̍p ê siā-khu tīng-gī ê hun-pia̍t sī siánn-mih?

Tap: Tshiánn tsham-ua̍t tsit-ê ia̍h-bīn.

Mn̄g: It-puann lāi-kong ta̍k-nî ē thê-kau guā-tsē-hūn--ê Wikimedia ki-kim-huē tsióng-tsōo-kim ê sin-tshíng?

Tap: Ta̍k-nî ê sin-tshíng-sòo tāi-kái teh 500 kah 1,000 tsi-kan.

Mn̄g: Wikimedia ki-kim-huē ê tsióng-tsōo-kim lóng-tsóng huat-tshut guā-tsē-hūn?

Tap: Tsióng-tsōo-kim huat-hòng ê sòo-liōng pìng-bô kòo-tīng, m̄-ku huat-hòng ê tsióng-tsōo-kim ê tsóng-kim-gia̍h sī kin-pún kòo-tīng--ê. Tsuè-tsiong ū-sǹg tio̍h-beh tī tâng-nî tē-1 ê kuì-tōo khak-tīng.

Mn̄g: Ua̍h-tāng kiat-sok liáu-āu, siū-tsōo-tsiá ìng-tong teh tó-uī thê-kau pò-kò?

Tap： teh-tsia thê-kau.

Tsióng-tsōo-kim ê Luī-hîng

Mn̄g: Ū tó-kui-khuán luī-hîng ê tsióng-tsōo-kim?

Tap: Wikimedia ki-kim-huē thê-kiong nn̄g-tsióng luī-hîng ê tsióng-tsōo-kim, tō-sī Tsuân-gia̍h tsióng-tsōo-kim kah Pōo-hūn tsióng-tsōo-kim. Tshiánn tsham-ua̍t Tsióng-tsōo-kim ê siông-sè sìn-sit. Kî-thann Wikimedia tsoo-tsit iā kok-îng thê-kiong tsuân-gia̍h tsióng-tsōo-kim hi̍k-tsiá pōo-hūn tsióng-tsōo-kim – tshiánn tsham-ua̍t Wikimedia tsoo-tsit ê tsióng-tsōo-kim.

Mn̄g: Kám ē-tàng uī-tio̍h ti̍k-tīng kok-ka ê sin-tshíng-tsiá thê-kiong tsuan-mn̂g ê tsióng-tsōo-kim?

Tap: Wikimedia ki-kim-huē pan-huat ê tsióng-tsōo-kim ē-sái pan-huat hōo tsua̍t tāi-to-sòo kok-ka 5 iōng-tsiá. Kî-thann Wikimedia tsoo-tsit thê-kiong ê tsióng-tsōo-kim thong-siông tuì bô-kāng-khuán kok-ka sī iú-sóo khu-piat--ê – tshiánn tsham-ua̍t Wikimedia tsoo-tsit pan-huat ê tsióng-tsōo-kim.

Tsióng-tsōo-kim ê tsu-keh

Mn̄g: Siàng-ū tsu-keh tit-tio̍h Wikimedia ki-kim-huē ê tsióng-tsōo-kim, iōng-lâi tshut-si̍k Wikimania?

Tap: Sui-jiân jīm-hô-jîn lóng-ē-sái sin-tshíng tsióng-tsōo-kim tio̍h ē-tàng tsham-ka Wikimania, m̄-ku tsuè-ū tsu-keh tit-tio̍h tsióng-tsōo-kim ê lâng sī kin-kù i-teh tsi̍t-ê hi̍k-tsiá to-ê Wikimedia kè-uē tang-tiong ua̍h-thiàu ê kòng-hiàn, pīng-tshiánn bîng-khak lâi tuì Wikimania kah Wikimedia ua̍h-tāngê tsìn-tián ū-hìng-tshù ê sin-tshíng-tsiá. Tsit-ê hāng-bo̍k tsông-siōng tsì-guān-tsiá ê tsham-ú, in-tshú uī Wikimedia ua̍h-tāng ū the̍h-tio̍h pò-siông ê tsuân-tsip kang-tsok jîn-uân in-sī bô-huat-tōo tit-tio̍h tsióng-tōo-kim ê tsu-keh, pí-jû Ki-kim-huē hi̍k-tsiá Hun-huē ê tsuân-tsip uân-kang ia̍h-sī sîng-pān-tsái. Nā-sī hû-ha̍p kî-thann ê tiâu-kiānn, kiam-tsit kan-na uī Wikimedia ua̍h-tāng ū the̍h-tio̍h pò-siông kang-tsok ê sin-tshíng-tsiá ko-lîng ū tsu-keh tsìn-ji̍p tē-2 kai-tuānn ê phîng-sím. Tshú-guā, iû-î tsú-iàu phîng-kóo kin-kù ē-sī sin-tshíng-tsiá teh Wikimedia kè-uē tang-tiong ê siong-kuan ua̍h-tāng, guán put-tsāi kóo-lē kan-na uī-tio̍h hui-Wikimedia tsū-iû lāi-iông hāng-bo̍k ia̍h-sī ua̍h-tāng tsò-tshut kòng-hiàn ê sin-tshíng-tsiá lâi sin-tshíng tsióng-tsōo-kim.

Mn̄g: Sin-tshíng kám-ū nî-lîng ê hān-tsè?

Tap: Bô, guán huan-gîng jīm-hô-jîn lâi sin-tshíng. M̄-ku, teh kā jî-tông sin-tshíng-tsiá huat-hòng tsióng-tsōo-kim tsìn-tsîng, su-iàu tit-tio̍h iàn-toh in-ê pē-bó hi̍k-tsiá kàm-hōo-jîn ê tông-ì. Tetsia, jî-tông ē-kā-it tīng-gī tsò thê-kau sin-tshíng hit-tang-tsūn ê sin-tshíng-tsiá koh ia̍h-bē muá 18-huè.

Mn̄g: Sin-tshíng-tsiá teh thê-kau tsìn-tsîng kám-ài it-tīng su-iàu tông-ì bóo-tsi̍t-kuá tiâu-khuán hi̍k-tsiá muá-tsiok bóo-tsi̍t-kuá tiâu-kiānn?

Tap: Sī, tsia--ê tiâu-khuán siá-teh sin-tshíng-pió siong-ē-kha, teh sin-tshíng-tsiá thê-kausin-tshíng tsìn-tsîng ìng-tong kiám-tsa sóo-ū ê tiâu-khuán kah tiâu-kiānn.

Mn̄g: Uī-siánn-mi̍h sin-tshíng-tsái tō-ài teh thê-kau sin-tshíng tsìn-tsîng tông-ì tsia-ê tiâu-khuán kah tiâu-kiānn?

Tap: Uī-tio̍h khak-pó in ē-tàng liáu-kái guán kî-bāng in tsò tsi̍t-kuá siánn-mih tāi-tsì, í-kip lia̍h-tsún in nā the̍h-tio̍h tsióng-tsōo-kim, insu-iàu tsi-hù tsi̍t-kuá siánn-mih huì-iōng.

Mn̄g: Sin-tshíng-tsiá teh thê-kau sin-tshíng tsìn-tsîng kám it-tīng ài su-iàu tshiam-sú ún-su hia̍p-gī?

Tap: Sī, hia̍p-gī siá-teh sin-tshíng-pió siōng-ē-kha. Sóo-ū ê sin-tshíng-tsiá bí-sū teh siong-ìng ê khoo-á lāi-té su-ji̍p i-ê tsuân-miâ, án-ne tō ē-sái piáu-bîng i tông-ì tsit-ê hia̍p-gī. Bī-muá 18 tsiu-huè ê sin-tshíng-tsiá (tsham-ua̍t siōng-bûn) iah-koh bí-sū hōo i-ê huat-tīng kàm-hōo-jîn teh tsi̍t-ê tan-to̍k ê khoo-á lāi-té su-ji̍p i-ê tsuân-miâ.

Mn̄g: Sin-tshíng-tsiá teh thê-kau sin-tshíng tsìn-tsîng ná-ē bí-sū tshiam-sú ún-su hia̍p-gī?

Tap: Tshut-î huat-lu̍t ê guân-in, mā uī-tio̍h khak-pó sin-tshíng-tsiá lâi liáu-kái in thê-kau ê sòo-kì tio̍h-ē án-tsuánn tshú-tì.

Mn̄g: Nā-sī sin-tshíng-tsiá bat tit-tio̍h tsióng-tsōo-kim khì tsham-ka tsìn-tsîng ê Wikimania, in kám ē-tàng koh-ū tsu-keh tit-tio̍h pún-kài Wikimania ê tsióng-tsōo-kim?

Tap: Nā-sī tī óng-nî ê WMF tsióng-tsőo-kim tit-tio̍h-tsiá bô-huat-tōo uân-sîng huē-āu ê pò-kò, án-ne in tio̍h bô-hû-ha̍p sin-tshíng ê tsu-keh. Tshú-guā, nā-sī sin-tshíng-tsiá liân-suà kuí-á-pái tit-tio̍h WMF ê tsióng-tsōo-kim, án-ne kî-thann hun-sòo tsiap-kīn ê sin-tshíng-tsiá tō ē-sái iu-sian lâi the̍h-tio̍h tsu-tsōo.

Mn̄g: Lia̍h-tsún guá ē-tàng hū-tam tsiân-óng tsham-ka Wikimania ê lí-huì, guá kám-ē-sái sin-tshíng tsióng-tsōo-kim?

Tap: Tsióng-tsōo-kim ê sin-tshíng bē-kin-kù king-tsè ê su-iàu lâi tông-ì hi̍k-tsiá kū-tsua̍t, in-uī teh sím-hi̍k sin-tshíng ê sî-tsūn, WMF ia̍h-sī Tsióng-tsōo-kim Uí-uân-huē ê kang-tsok jîn-guân bô-huat-tōo lâi phîng-kóo kò-jîn ê king-tsè tiâu-kiānn. M̄-ku, sin-tshíng-tsiá ìng-tong tsìn-tsiok khó-lū ka-kī ê king-tsè tiâu-kiānn, in-uī tsióng-ha̍k-kim ê sin-tshíng-tsiá uì sè-kài kok-tē lâi--ê, kî-tiong ū tsi̍t-kuá-lâng kan-na ū the̍h-tio̍h tsióng-tsōo-kim án-ne khah-ū tiâu-kiānn lâi tsham-ka Wikimania.

Tsuān-siá tsióng-tsōo-kim ê sin-tshíng

Mn̄g: Tsiânn-tsē-ê sin-tshíng-tsiá kám ē-tàng liân-ha̍p thê-kau kâng-tsi̍t-hūn sin-tshíng?

Tap: Bē-sái, ta̍k-ê sin-tshíng-tsiá lóng-ài thê-kau ka-kī ê sin-tshíng tsiah ē-tàng hông lia̍t-ji̍p khó-lū.

Mn̄g: Sin-tshíng kám it-tīng ài-iōng ing-gí lâi-siá khah ē-sái thê-kau?

Tap: Bô-it-tīng--lah, m̄-ku kiông-lia̍t lâi kiàn-gī sin-tshíng-tsiá thê-kau ing-gí ê sin-tshíng, in-uī ing-gí sī Tsióng-tsōo-kim Uí-uân-huē sóo-ū ê sîng-uân lóng ē-tàng liáu-kái ê uî-it gí-giân. Tû-liáu ing-gí í-guā, iōng kî-thann ê gí-giân thê-kau ê sin-tshíng tio̍h ē hông tsīn-liōng huan-i̍k piàn-tsò ing-gí, put-jî-kò huan-i̍k ê kuè-tîng ko-lîng sī-iōng ke-khì lâi huan-i̍k, tì-sú huan-i̍k ko-lîng pìng-bô tsìng-khak. Ài-tsù-ì, tio̍h-sī Tē-1e kai-tuānn suán-ti̍k piau-tsún ê tsi̍t-pòo-hūn tio̍h-sī iau-kiû sin-tshíng-tsiá ē-tàng thê-kiong ing-gí gí-giân lîng-li̍k ê tsîng-bīn, án-ne khah ē-sái lâi tsham-ka tsú-iàu kau-liû gí-giân sī iōng ing-gí ê Wikimania, in-uī thê-kau ing-gí ê sin-tshíng tō ē-tàng ū-hāu lâi tsìng-bîng sin-tshíng-tsiá ê ing-gí gí-giân lîng-li̍k.

Mn̄g: Sin-tshíng-tsiá kám ing-kai su-iàu huê-tap sin-tshíng-pió tíng-kuân sóo-ū ê būn-tê?

Tap: Sī, su-iàu huê-tap sóo-ū mn̄g-ê būn-tê, tû-hui būn-tê bô sik-iōng teh sin-tshíng-tsiá ia̍h-sī kah sin-tshíng bô-kuan-hē. Lia̍h-tsún sin-tshíng-tsiá bí-ling ha̍p-lí lâi huê-tap tsia--ê būn-tê, án-ne in-ê sin-tshíng ko-lîng bô-huat-tōo lâi thong-kuè Tē-1 kai-tuānn ê sím-hi̍k.

Mn̄g: Sin-tshíng-pió uī-siánn-mi̍h su-iàu thê-kiong tsi̍t-kuá kò-jîn ê sìn-sit?

Tap: Hia̍p-tsōo huat-hòng tsióng-tsōo-kim pīng hông-tsí to-tiông ê sin-tshíng. Tio̍h-tsù-ì, guán kan-na tio̍h-beh àn-tsiàu sím-hi̍k thîng-su sóo lia̍t-tshut ê tiâu-kiānn lâi sím-hi̍k sin-tshíng-tsiá.

Mn̄g: Sin-tshíng-tsiá ìng-tong teh sin-tshíng-pió tíng-kuân lia̍t-tshut tah-tsi̍t-kuá--á Wikimedia hāng-bo̍k ê iōng-tsiá-bîng?

Tap: Sin-tshíng-tsiá ē-sái lia̍t-tshut sóo-ū kiàn-nā teh Wikimedia hāng-bo̍k ū kòng-hiàn ê kháu-tsō bîng-tshing. Lia̍h-tsún nā-ū kah pa̍t-lâng tâng-tsê iōng-ê kháu-tsō bîng-tshing, tio̍h su-iàu teh sing-tshing-pió lāi-té piau-sī tshut-lâi. Bô sú-iōng-kuè ê kháu-tsō bîng-tshing tō bô su-iàu siá teh sin-tshíng-pió lāi-té. Tsóng-kóng, sin-tshíng-tsiá pìng-bô gī-bū lia̍t-tshut in sóo-ū ê hi̍k-tsiá iōng-lâi pian-tsi̍p ê sóo-ū ê kháu-tsō bîng-tshing.

Mn̄g: Sin-tshíng-tsiá kám-ē-sái thê-kiong kî-thann ê bāng-tsām liân-kiat lâi tsó-tsìng in-ê huê-tap?

Tap: Ē-sái, guán kóo-lē án-ne tsò, iû-kî-sī teh huê-tap kah sin-tshíng-tsiá tuì Wikimedia ua̍h-tāng ê pang-tsōo iú-kuan ê būn-tê hit-tang-tsūn. M̄-ku, teh tsām-lāi ia̍h-sī tsām-guā ê liân-kiat bāng-tsām ìng-tong khah tshing-tshó lâi biâu-su̍t sin-tshíng-tsiá ê tsham-ú tsîng-hóng kah kòng-hiàn. Sím-hi̍k jîn-uân teh sím-hi̍k sin-tshíng ê sî-tsūn ē khó-lū sóo-ū iú-kuan ê sìn-sit.

Mn̄g: Huê-tap būn-tê ê sî-tsūn, sin-tshíng-tsiá ìng-tong siá kuà-tn̄g ê tap-àn?

Tap: Tap-àn ìng-tong hōo sím-hi̍k-tsiá ū-khah tshing-tshó lâi liáu-kái sin-tshíng-tsiá ê biâu-su̍t. Iú-kuan-tio̍h ài siá siánn-mih, tshiánn tsham-ua̍t Tē-2 kai-tuānn ê sím-hi̍k piau-tsún ia̍h-bīn sóo thê-kiong ê kàu-thîng. Huê-tap ê sik-tong tn̂g-tōo ē tuè-tio̍h ta̍k-ê ê biâu-su̍t lâi piàn-huà, kū-thé tshú-kuat tio̍h-khuànn sin-tshíng-tsiá ìng-tong tián-sī ê lāi-iông tn̂g-tōo. Tuì tuā-to-sòo ê sin-tshíng-tsiá lâi-kóng, tuì muí-tsi̍t-ê būn-tê tap-àn ê tn̂g-té, it-puann tāi-kái teh 3 kàu 5-ê tuānn-lo̍h tsi-kan tio̍h ē-sái. Sím-hi̍k-tsiá bô-bé siūnn kî-bāng khuànn-tio̍h kui-phīnn lóng-sī mī-suànn-uē, m̄-ku siunn-té ê tap-àn thong-siông khah bô-huat-tōo tshing-tshó lâi tsi-tshî sin-tshíng-tsiá ê lūn-tiám. Tsìn-tsîng ê tsióng-tsōo-kim tit-tio̍h-tsiá, in-ê sin-tshíng siong-kuan bûn-pún ê huān-lē ē-tàng teh metawiki ia̍h-bīn tíng-kuân tsham-khó-tio̍h, tsia--ê huān-lē ē-sái thê-kiong teh lí-ê sin-tshíng bûn-pún beh-án-tsuánn tshú-lí ê tāi-tí tsîng-hóng.

Mn̄g: Khah-ū-miâ ê iōng-tsiá hi̍k-tsiá tsu-tshim ê iōng-tsiá kám ē-sái thiàu--kuè iú-kuan-tio̍h in tuì Wikimedia kè-uē tsham-ú-tōo ê būn-tê?

Tap: Bē-sái--lah, nā-ū koh-khah tsē ê kòng-hiàn iōng-tsiá, tian-tò in-ê huê-tap ê tap-àn ài koh-khah tn̂g, bē-sái khah-té sīm-tsì mā bē-sái buái huê-tap. Uī-tio̍h kong-pênn khí-kiàn, àn-tsiàu Tē-1 kai-tuānn suán-ti̍k ê piau-tsún sóo biâu-su̍t--ê, sóo-ū ê sin-tshíng-tsiá lóng ing-kai phah-piànn lâi thê-kau ha̍p-lí ê tap-àn.

Mn̄g: Teh thê-kau liáu-āu, sin-tshíng-tsiá kám-koh ē-tàng pian-tsi̍pin in-ê sin-tshíng tsu-liāu?

Tap: Pháinn-sè--lah, bē-sái. Guán kiàn-gī sin-tshíng-tsiá teh tsìng-sik thê-kau tsìn-tsîn sing-ài tíng-tsin tsuān-siá in-ê sin-tshíng tsháu-kó, koh-teh thê-kau tsìn-tsîng, khak-jīn sin-tshíng sóo su-iàu ê sìn-sit kám-ū lóng i-kīng tsuân-pōo la̍p-ji̍p sin-tshíng-pió lāi-té. M̄-ku, nā sin-tshíng-tsiá siūnn-beh póo-tshiong sìn-sit, ē-sái huat iû-kiānn hōo wikimania-scholarshipswikimedia.org, án-ne teh-hia tō-ū tsi̍t-ê tsióng-tsōo-kim uí-uân-huē ê sîng-uân hi̍k-tsiá WMF ê uân-kang ē-kā sin-ê sìn-sit kui-ji̍p iōng-tsiá ê sin-tshíng-pió lāi-té. Tshiánn m̄-thang thê-kau siunn-tsè-pài ê sin-tshíng-pió, tse ē-hōo sím-hi̍k-tsiá in-ê kang-tsok sòo-liōng tsing-ka tsiânn-tsē.

Mn̄g: Kám ū-lâng ē kā-guá tàu-sann-kāng lâi thiân-siá sin-tshíng-pió?

Tap: Pháinn-sè, bô--lah, Tsióng-tsōo-kim Uí-uân-huē kah tsú-pān-tsiá bô ko-lîng tuì ta̍k-ê-lâng lâi huê-tap iú-kuan-tio̍h kò-jîn sin-tshíng sóo-ū ê būn-tê. M̄-ku tui-tio̍h sin-tshíng kuè-thîng tang-tiong ê it-puann būn-tê, lí ē-sái teh $mai tíng-kuân huat-sàng iû-kiānn lâi liân-lo̍k-tio̍h tsóo-tsit thâu-lâng.

Mn̄g: Guá tit-beh uân-sîng guá-ê sin-tshíng, án-ne guá kám-ē siu-tio̍h sîng-jīn ia̍h-sī khak-jīn ê iû-kiānn?

Tap: Sin-tshíng-tsiá tshi̍h--lueh tsuè-āu tsi̍t-pái thê-kau ê tshi̍h-liú liáu-āu, tio̍h ing-kai ē-teh îng-bōo tíng-kuân khuànn-tio̍h in sóo thê-kau ê sin-tshíng khak-jīn sìn-sit. M-koh, in ko-lîng bē siu-tio̍h jīm-hô ê tiān-tsú iû-kiānn.

Tsióng-tsōo-kim ê huì-iōng kah pò-siau ê liû-tîng

Mn̄g: Wikimedia Ki-kim-huē ê tsióng-tsōo-kim lóng pau-kuat siánn-mih hāng-bo̍k?

Tap: Wikimedia Ki-kim-huē ê tsuân-gia̍h tsióng-tsōo-kim tio̍h-ē pau-kuat iû Wikimedia Ki-kim-huē ê lí-hîng-siā an-pâi ê kò-jîn óng-huán lí-huì, siōng-tsē 6-àm ê kiōng-hióng ê hioh-mê huì-iōng í-kip tsù-tsheh-huì. Tsiánn tsù-ì, huē-gī kî-kan ê tsi̍t-kuá tshan-huì mā pau-kuat teh huē-gī ê tsù-tsheh-huì lāi-té, pí-jû tiong-tàu-tǹg kah tsiau-thāi-huē. Wikimedia Ki-kim-huē pōo-hūn tsióng-tsōo-kim tio̍h kan-na pau-kuat kiōng-hióng ê hioh-mê huì-iōng kah huē-gī tsù-tsheh-huì.

Mn̄g: Ū tah-tsi̍t-kuá huì-iōng bô pau-kuat teh Wikimedia Ki-kim-huē tsióng-tsōo-kim lāi-té?

Tap: Bī pau-kuat ê huì-iōng pau-kuat-ū sóo-ū ê tsa̍p-hāng huì-iōng (sin hōo-tsiàu, lí-hîng tsí-lâm, tshà-thâu sik-phuè-khì, i-bu̍t tíng-tíng), huē-gī kî-kan ê tong-tē kau-thong huì-iōng (kàu ki-tiûnn tsiap-sàng ê huì-iōng tû-guā), kah ka-jîn hām pîng-iú tông-hîng ê huì-iōng í-kip teh huē-gī ji̍t-kî tsi-guā ê tōo-ká huì-iōng tíng-tíng ê siong-kuan huì-iōng. Tsiánn tsù-ì teh huē-gī kî-kan ē thê-kiong tsi̍t-kuá tshan-tiám. Wikimedia Ki-kim-huē thong-siông bô-beh sîng-tam tshiam-tsìng ê huì-iōng (tshiánn tsham-ua̍t Lí-hîng), mā bô-huat-tōo lâi pò-siau huē-gī tsi-guā ê lim-tsia̍h huì-iōng, m̄-ku ē-sái kin-kù kū-thé ê iau-kiû lē-guā lâi sîng-tam tsi̍t-kuá tsit-khuán ê huì-iōng.

Mn̄g: Wikimedia Ki-kim-huē tio̍h-beh án-tsuánn kā tsióng-tsōo-kim ê tit-tio̍h-tsiá tsi-hù tsióng-tsōo-kim? Kià tsînn hōo-in? Iah-sī thè-in pò-siau huì-iōng?

Tap: Wikimedia Ki-kim-huē tio̍h-ē ti̍t-tsiap tsi-hù huē-gī ê tsù-tsheh-huì, lí-huì kah kiōng-hióng hioh-mê ê huì-iōng. Ū-tīng kau-thong kang-kū ê sî-tsūn, sin-tshíng-tsiá tō-ài sú-iōng kah Wikimedia Ki-kim-huē tshiam-iok ê lí-hîng ū-tīng ho̍k-bū. Teh pún-kok kah huē-gī tē-tiám, tsióng-tsōo-kim ê tit-tio̍h-tsiá óng-huán ki-tiûnn ê kau-thong huì-iōng ē-sái iû WMF thê-kiong, tio̍h-ē kin-kù i-pún-lâng ê iau-kiû lai póo-sióng tsit-khuán iú-kuan ê huì-iōng.

Mn̄g: Wikimedia Ki-kim-huē tsióng-tsōo-kim tit-tio̍h-tsiá kám ē-tàng ka-kī an-pâi lí-hîng pīng iau-kiû pò-siau huì-iōng?

Tap: Bē-sái, tse tio̍h-sī thê-kau sin-tshíng ê tiâu-kiānn, sóo-ū ê sin-tshíng-tsiá lóng pit-su tông-ì sú-iōng Wikimedia Ki-kim-huē thê-kiong ê lí-hîng ū-tīng ho̍k-bū.

Mn̄g: Guá ing-kai teh tī-sî sin-tshíng tsù-tsheh sin-tshíng tsham-ka Wikimania?

Tap: Tsióng-tsōo-kim tit-tio̍h-tsiá tio̍h-ē tit-tio̍h ti̍k-sû ê huē-gī tsū-the̍h-bè. Wikimedia Ki-kim-huē tsióng-tsōo-kim tsuè-tsiong ê kuat-tīng tio̍h-beh tī 5-gue̍h tsìn-tsîng lâi kong-pòo (tshiánn tsham-ua̍t Tiōng-iàu ê ji̍t-kî; nā kong-pòo ê ji̍t-kî thè-uànn, tsit-ê ia̍h-bīn tio̍h-ē king-sin). Teh sin-tshíng-tsiá ia̍h-bē tit-tio̍h i-ê sin-tshíng ê tsuè-tsiong kuat-tīng siau-sit tsìn-tsîng, bô kiàn-gī sin-tshíng-tsiá sing-lâi tsù-tsheh tsit-ê huē-gī.

Mn̄g: Wikimedia Ki-kim-huē kám tio̍h-ē hia̍p-tsōo sin-tshíng-tsiá tit-tio̍h tshiam-tsìng?

Tap: Wikimedia Ki-kim-huē tio̍h ē-hiòng sóo-ū su-iàu tshiam-tsìng lâi tsham-ka huē-gī ê tsióng-tsōo-kim tit-tio̍h-tsiá huat-sàng iau-tshiánn-hâm (tshiánn tsham-ua̍t Lí-hîng). Guán hi-bāng tit-tio̍h-tsiá ka-kī khì liân-hē líng-sū-kuán hi̍k-tsiá tāi-sài-kuán khì-pān-lí tshiam-tsìng, pîng tsi-hù sóo-ū ê kài-siāu. Nā-ū sin-tshíng-tsiá bô-huat-tōo tsi-hù tshiam-tsìng huì-iōng, Ki-kim-huē tio̍h-ē sîng-tam tsi̍t-pit huì-iōng.

Wikimedia tsoo-tsit ê tsióng-tsōo-kim

Mn̄g： Ū siánn-mih kî-thann--ê Wikimedia tsoo-tsit ē-hiòng Wikimania tsham-ú-tsiá thê-kiong tsióng-tsōo-kim?

Tap: Thê-kiong tsióng-tsōo-kim ê tsoo-tsit tshing-tuann tng-teh put-tuān ê huan-sin tang-tiong. Tshiánn tsham-ua̍t Wikimedia tsoo-tsit tsióng-tsōo-kim ia̍h-bīn tshâ-khuànn uân-tsíng ê lia̍t-pió.

Mn̄g: Tông-sî tuì Wikimedia tsióng-tsōo-kim kah līng-guā tsi̍t-ê Wikimedia tsoo-tsit huat-hòng ê tsióng-tsōo-kim ū-hìng-tshù ê sin-tshíng-tsiá, kám ìng-tong sing-tshing nn̄g-pái?

Tap: Hun nn̄g-tsióng tsîng-hóng. Tsi̍t-kuá Wikimedia tsoo-tsit sú-iōng Wikimedia ki-kim-huē tsióng-tsōo-kim ê ìng-iōng âi suán-ti̍k siū-tsōo-tsiá; tsit-tang-tsūn, sin-tshíng-tsiá bô-su-iàu līng-guā koh kā tsia--ê Wikimedia tsoo-tsit tan-to̍k thê-kau sin-tshíng. Put-jî-kò, kî-thann ê Wikimedia tsoo-tsit su-iàu tan-to̍k sin-tshíng. Tshiánn tsham-ua̍t Tsióng-tsōo-kim#Wikimedia tsoo-tsit tsióng-tsōo-kim ia̍h-bīn tio̍h-lâi the̍h--tioh koh-khah tsē ê sìn-sit.

Mn̄g: Lia̍h-tsún Wikimedia tsoo-tsit su-iàu tan-to̍k ê sin-tshíng, án-ne sin-tshíng ê tsia̍t-tsí ê ji̍t-kî sī teh tang-sî?

Tap: Tse tsīn-tsāi teh tsia-ê Wikimedia tsoo-tsit pún-sin – tshiánn tsham-ua̍t Tsióng-tsōo-kim Wikimedia tsoo-tsit tsióng-tsōo-kim.

Tap: Siáng ū tsu-keh the̍h--tioh Wikimedia tsoo-tsit ê tsióng-tsōo-kim?

A: Tuā-to-sòo ê Wikimedia tsoo-tsit kan-na uī-tio̍h kah-in ū-kuan-hē ê sin-tshíng-tsiá thê-kiong tsióng-tsōo-kim, pí-jû uì tsia--ê tsoo-tsit ū-hìng-tshù ê gí-giân tsò-tshut kòng-hiàn, ia̍h-sī kah tsia--ê tsoo-tsit khiā-teh kâng-tsi̍t-ê kok-ka ê sin-tshíng-tsiá. Siông-tsîng tshiánn tsham-ua̍t Tsióng-tsōo-kim Wikimedia tsoo-tsit tsióng-tsōo-kim ê ia̍h-bīn.

Mn̄g: Wikimedia tsoo-tsit beh án-tsuánn kuat-tīng the̍h-tioh tsióng-ha̍k-kim ê jîn-suán?

A: Sin-tshíng sîng-kong hi̍k-tsiá sit-pāi, thong-siông iû Wikimedia tsoo-tsit pún-sin tsò-tshut tsuè-āu ê kuat-tīng. Lia̍h-tsún tsi̍t-ê tsoo-tsit i-kīng sú-iōng Wikimedia ki-kim-huē tsióng-tsōo-kim ê ìng-iōng thîng-sū (Tsham-ua̍t siōng-bûn), i tio̍h-beh teh khai-sí kiatuann sú-iōng WMF uân-kang kah Tsióng-tsōo-kim uí-uân-huē ê sím-hi̍k kiat-kó. Bô-beh sú-iōng tsia--ê ìng-iōng ê thîng-sū Wikimedia tsoo-tsit tio̍h-beh ka-kī tsìn-hîng sím-hi̍k, koh tsip-hîng to̍k-li̍p tsióng-tsōo-kim uí-uân-huē kah Wikimedia ki-kim-huē ê tsin-suán liû-tîng.

Q: Tsia--ê kî-thann ê Wikimedia tsoo-tsit huat-hòng ê tsióng-tsōo-kim hām Wikimedia ki-kim-huē sóo huat-hòng ê tsióng-tsōo-kim, in tsi-kan kám-ū siánn-mih khu-piat?

Tap: In sóo pau-hâm ê khuán-hāng tāi-khài sio-kâng, m̄-ku kok tsoo-tsit tsi-kan mā-ū tsi̍t-kuá-á bô-kâng – siông-tsîng tshiánn tsham-ua̍t Wikimedia ki-kim-huē tsoo-tsit tsióng-tsōo-kim.

Nā-sī lí-ê būn-tê ia̍h-bé lâi kái-kuat, tshiánn liân-lo̍k wikimania-scholarshipswikimedia.org ia̍h-sī teh Talk:Tsióng-tsōo-kim tíng-kuân liû-giân.