2022:Hackathon
Hackathon Wikimania 2022 nopo diti nga piri, abaabayan poingukab id talian montok do tulun awam do mogisokodung kumaraja id projek teknikal, minsingilo kabaalan wagu, om rumuba ponyumbang teknikal do suai.
Showcase tohuri
Showcase tohuri montok do Hackathon Wikimania 2022 nopo nga iso liwang do popoilang kokomoi nunu ii nowonsoi ontok do hackathon om minsingilo kokomoi projek do suai. Intangai nunu i pinabanta do suai!
Format do abaabayan
Hackathon nopo diti mogowit ponyumbang teknikal id projek Wikimedia mantad do sompomogunan, mantad di momomonsoi kod om i menyelenggara, kumaa do designer, ponuat teknikal om dokumentasi pomodolinan. Alapon nogi o kawaawagu rumikot!
Hackathon id talian nopo diti nga koindalan mantad 12 Magus-14 Magus, 2022:
Intangai jadual montok pogintangan sesi di poimponu.
Id kotimpuunan do abaabayan, isai nopo nga milo papabanta do projek teknikal ii napalan do wonsoyon ontok do Showcase Pra Abaabayan sabaagi do mogihum kolaborasi do wagu. Kouhup kanto nung mintong kou id projek teknikal mantad di Hackathon nakatalib. Sesi nopo diti nga manahak liwang montok tulun do mogihum tinimungan, milumaag tua' pomusarahan wagu om momonsoi palan montok do nunu ii maan hack ontok do Hackathon.
Solinaid jaam do potilombus, kiwaa sesi sosial om pinludaan ii poindalanon do komuniti, nga id boogian tagayo do timpu nopo nga oowion montok do mogiampayat hack. Toinsanan i tumindapou nga milo do mogintong abaabayan Wikimania do suai.
Id ko'owion do abaabayan nopo nga kiwaa showcase tohuri ii pabantaon montok di projek kawaawagu do nowonsoi ontok do Hackathon.
Abaabayan nopo diti nga okon ko kadalin potilombus, nga pambantaan om pirumaan id nunu nopo boros nga alapon!
 | On all channels and platforms related to the Hackathon, the Code of Conduct for Wikimedia's Technical Spaces and Friendly Space Policy applies. Please check its content and actively engage in keeping the social channels a safe and friendly place for all participants. If you need to talk to someone or to report an issue, write to techconduct@wikimedia.org. |
Mimpuun
Poingkuro tumounda
- Nung au po haro dokoyu iso, pomonsoi o akaun id wiki i korohian dokoyu id Phabricator (Nung wagu kou id Phabricator, basao iti dokumentasi!)
- Ruhangai dokoyu ngaran id sanarai momiimilantoi do abaabayan. Lobi gumu o kaanagan di pasanarayon dokoyu, lobi gumu ii oihum dokoyu tulun suai ii kiwaa korohian miagal dokoyu sondiri.
- Kawaawagu kou id komuniti teknikal? Intangai id iti nopo sanarai do towud montok diolo ii kawaawagu nogi do mimpuun.
Sogu tionon
Nung kiwaa do nunu nopo ii kebolehaksesan toi ko' pokionuon do mamadalin, romuto o hlepp@wikimedia.org.
Poingkuro do mampayat
Showcase Pra-abaabayan
Hackathon montok toun diti nopo nga kiwaa showcase pra-abaabayan (intangai id jadual montok mogihum pautan do mogintong showcase). Sesi nopo diti nga manahak tulun suai do kosiwatan do papabanta nunu ii napalan do powonsoyon, om nunu kawo puru tinimungan ii maan diolo montok sokodung. Pomusarahai nung aanangan kou do tumindapou om mogihum tinimungan projek ii maan do ampayato.
Projek ii maan do hack
Intangai o Pisuk Hackathon Phabricator. Ruhangai dokoyu sondiri o projek toi ko' komen montok do suai ii kaanangan dokoyu mampayat. Kada koikumai do moguhot kumaa di sanganu o timbabaon - iri no nokuro pasanarayon diolo o timbabaon id Phabricator!
Tindapou id sesi
Intangai o jadual montok mogintong nunu nopo sesi ii korohian dokoyu. Nung aanangan kou do manahak sesi dokoyu, poruhango id jadual. Slot nopo nga isai nopo ii kopogulu om kaanu o koiyonon.
Chanel Sosial
Ponyumbang teknikal nopo nga mogibooboros id mogikaakawo do platform. Hiti o koiyonon do milo mimpuun do pibarasan!
- Tinimungan Telegram Hackathon Wikimedia
- Chanel mogibooboros IRC #wikimedia-hackathon connect (IRC om Chanel Telegram Hackathon Wikimedia nopo nga piniromut, moi do milo kou haro id iso no)
- Hashtag nopo nga #wmhack id Twitter