2023:Program/Submissions
16–19 August 2023, Singapore and Online
Diversity. Collaboration. Future.
Theme
De theme for Wikimania 2023 be Diversity, Collaboration, Future. Ebi intended say ego be cross-cutting wey ego apply as sam lens give all programming ideas. Your submission for get elements wey dey connect at least one of dese. Caw things wey we dey do every day for Wikimedia insyd – for de projects anaa for wonna community insyd – already dey reflect for de theme insyd wey esan dey in line plus how de ESEAP regional collaboration dey identify den operate.
- Diversity. Wikimania go be sam opportunity wey you go fit showcase regional den thematic groups such as ESEAP as examples of inclusion: different volunteer groups, individuals, den affiliates, for different stages of development den from different cultures closely dey involve den collaborate for sam equitable way.
- Collaboration. As ebi distributed, global event, Wikimania go be way wey you go fit learn from each oda den share knowledge like community initiatives, tools usage, how you fit organize events, governance, online campaigns den edit-a-thons, how you go fit solve Wiki-related problems, den more.
- Future. Wikimania 2023 go be significant give chaw Wikimedians as forum wey dem go take discuss how dem go implement de 2030 Wikimedia Movement Strategy (#Wikimedia2030), den oda current den future priorities wey wonna movement dey face, from technology go policy around de world.
Tracks
Secof we dey want make de program submissions easy den organize den review, plus de help of de programming subcommittee of volunteers, we suggest 11 program tracks. Abeg make you see below for more information about de categories den demma sub-categories. Make you think about wey one go best fit your program idea. If you dey think say your submission wey apply to more than one track, you go fit specify sam secondary track for de submission form insyd.
| Program track | Description | Sub-categories / topics wey dem suggest |
|---|---|---|
| Community Initiatives | Dis track dey welcome affiliates den communities so say dem go fit present demma content development campaigns den programs. | ■ Campaigns
■ Editathons |
| Education | Dis track dey provide sam space for initiatives den programs for education insyd den academia. | ■ Wikipedia for classroom insyd
■ Partnership plus educational institutions anaa teachers' association |
| Equity, Inclusion, den Community Health | Dis track dey provide sam space wey you go fit take discuss equity, inclusivity, den belonging as ways wey go improve community health. | ■ Diversity centric discussions ■ Equity, Inclusion den belonging ■ Knowledge equity ■ User interface accessibility ■ Languages (den translations) ■ Gender gap den oda gender diversity topics ■ IP address range blocks for countries plus limited/ shared infrastructure insyd ■ De Wikimedia Universal Code of Conduct (UCoC) ■ Safety of volunteer contributors |
| ESEAP (East, South East Asia, den de Pacific) Region | Dis track dey say ego highlight initiatives by affiliates, communities, den individual contributors so say ego improve content anaa concerns wey dem relate plus de East, South East Asia den de Pacific region. | ■ Multicultural collaborations for ESEAP countries insyd ■ Community developments ■ Capacity development for Small den Incubator language Wikimedia projects insyd |
| GLAM, Heritage, den Culture | Dis track dey provide sam space for initiatives den programs for heritage den cultural conservation insyd, collaborations plus cultural institutions wey dey include Galleries, Libraries, Archives, den Museums. | ■ Digitalization programs ■ Open access advocacy ■ Work plus Indigenous communities |
| Governance | Dis track dey support community discussions wey dey focuse for governance, structures den reform top, key initiatives from de Movement Strategy. | ■ Movement Charter ■ Regional den thematic hubs ■ Roles den responsibilities for de movement insyd ■ Decision-making processes ■ Wikimedia Global Council ■ Administrative specific governance (projects, community, affiliates) |
| Legal, Advocacy, den Risks | Dis track dey include topics of discussion wey dem establish, such as copyrights den digital accessibility, den emerged issues wey be new, such as rising censorship den misinformation wey dey de world insyd, as well as public policy den human rights. | ■ Blocking of Wikipedia for sam countries insyd ■ Misinformation ■ Censorship ■ Legal threats, takedown requests ■ Government relations ■ Copyright reforms (Freedom of Panorama, free licenses, etc.) ■ Digital accessibility ■ Environmental sustainability den climate crisis |
| Open Data | Dis track dey give space for community initiatives for data use den reuse insyd, linking different Wikimedia projects togeda den beyond. | ■ Publicly accessible statistical data ■ Data use/ reuse ■ Open data den transparency ■ Interlinking geographic data, socio-economic data, demographic data ■ Wikidata anaa Structured Data for Commons top |
| Research, Science, den Medicine | Dis track dey welcome works of research plus topics wey be relevant to Wikimedia den de theme of Wikimania. Esan be space wey go help discuss various content initiatives for de fields of science, nature, den medicine insyd. | ■ Environmental studies den climate crisis
■ Studies for behavioral patterns top for contributing content insyd |
| Technology | Dem dedicate de classic track say ego help discuss everytin product den technology for Wikimedia movement insyd. | ■ Latest products den features ■ Tool demonstration anaa tutorials ■ Tools for development anaa testing stage insyd ■ Technological innovations |
| Wild Ideas | Sam future-oriented open track for Wikimedians wey go help discuss wild ideas den predictions of de future... for good anaa bad. | ■ Scenarios for de near anaa far future insyd ■ Black Mirror scenarios ■ Ethics of Artificial Intelligence den Machine Learning ■ De chatbot take ova!!! |
Submission types
Several formats go dey, wey ego include lectures, panel presentations, discussions, den workshops wey dey focus for skill development top. Der san go be sessions of lightning talks den social interaction. We san be open give new den original program format ideas, wey dey include combinations of types.
| Type | Description | Standard allocated time | Visual |
|---|---|---|---|
| Workshops | Dese be sessions wer de audience dey interact actively plus de topic, wey usually dey focus for practical work top, dem dey acquire anaa dem dey strengthen sam specific skill, anaa dem dey accomplish sam specific task. | 60 minutes | 
|
| Demonstration | For dese sessions insyd, dem dey give de audience sam live presentation anaa demonstration, such as technological innovation. | 30 minutes |
|
| Lecture | Dis be sam oral presentation wey be intended say ego introduce information, share ideas about sam particular subject, anaa summarize de results of sam project. | 30 minutes |
|
| Panel | Dis be sam small group of subject matter experts anaa dose plus real lived experience speaking before sam audience. E often dey include sam moderator wey dey guide de discussion den sometimes elicits audience questions. Dem dey invited audiences say make dem interact plus de panel den ask questions | 30 minutes |
|
| Roundtable /
open discussion |
Dis be sam structured conversational process wey dem go take discuss specific topics, dem go take share knowledge, den often collective decision-making. | 90 minutes |
|
| Lightning talk | Dis be sam short, sharp presentation wey go enable sam speaker share sam concept anaa idea, often as sam teaser anaa sam starting point give de audience so say dem go learn more. Dem dey organize Lightning talks often as sam succession of speakers one afta anoda. | 10 minutes (anaa less) |
|
| Poster session | Whether in-person anaa remote, you go get sam dedicated tym present your poster topic den make de audience bizz you questions. Poster sessions go fit cut across topics den themes, usually you dey present sam project report anaa initiative, study results, research, anaa technology. | TBD |
|
| Entertainment session | Activities such as cultural demonstrations, games, movement, food, talk shows, podcasts, den oda forms of entertainment go fit cam here. | 30 minutes |
|
| Oda | Dese be all oda activities such as outdoor activities, photography walks, editathons, datathon, resource, den citation hunts, etc. | 30 minutes (duration go fit vary) |
|
.jpg)
.jpg)
Hybrid, Satellite events, Video wey dey Demand top
Movement groups go fit think about self-organizing watch parties den oda remote events plus de possibility of connecting live plush Singapore for dedicated tyms insyd each day. Eno be everybro for de community insyd wey go fit anaa wey want travel connect plus oda Wikimedians. You den your colleagues go fit organize sam satellite event for sam specific day insyd anaa tym of Wikimania. For Wikimedia affiliates, we go fit schedule den fund satellite events as part of General Support Funds. Even if dem no initially include am as sam proposal, moving funds around for your budget insyd go fit be possible say make you create sam event. Make you find out more wey abeg make you use ein talk page discuss ideas in advance.
Questions?
We set up sam Frequently Asked Questions (FAQ) page give you. If you get oda questions wey dem no dey de FAQ insyd, you go fit email de program subcommittee at: wikimania
wikimedia.org anaa you go fit add your questions for de help page top.