2023: Timpu Kopoindalanan Abaabayan/Kapanahakan
16-19 Magus 2023, Singapore om Sawat Talian
Kopogisuayan. Piuhupan. Timpu Dumontol.
Mangalap o The ESEAP Wikimania 2023 Core Organizing Team do tongoulun do papaatod do idea program montok do Wikimania.
Foom kapaatadan program pointounda doid Boros Arab, Boros Inggeris, Boros Perancis, Boros Sepanyol,om Boros Tradisional do Sina. Maamaso nogi yahai do minggoos montok popohompit Boros Indonesia.
Kapaatadan nopo nga torimoon mantad Mirod, 28 Mansak gisom Mirod, 28 Gomot 2023 ontok bobog 23:59 AoE
(Hombo-hombo id Pomogunan diti, miampai do UTC-12). Ponokodung program monorimo koutuson kokomoi sogu program diolo ontok Mahas 2023.
Tema
Tema nopo montok Wikimania 2023 nga Mogikaakawo, Pisokodungan, Timpu Tobontol. Iti nopo nga' kitudu montok dumarapas om gunoon sabaagi lensa kumaa toinsanan sogu koponguludan ababayan. Kapanahakan nu nopo nga' minog haro elemen ii kopionit kumaa iso mantad elemen diti. Ogumu ahal di nowonsoi dahai monikid tadau id Wikimedia - id suang projek toi' ko ababayan komuniti nokopokito no do tema om misudong do ralan misokodung serantau ESEAP mongintutun om popoindalan.
- Mogikaakawo. Osiliu o Wikimania sabaagi iso liwang montok popokito tinimungan serantau om tematik miagal do ESEAP sabaagi poomitanan: tinimungan sukarelawan di mogikaakawo, sosongulun om puru miniamung doid mogisuusuai taang koburuon om koubasanan kohompit om misokodung miampai aadang.
- Pisokodungan. Sabaagi ababayan global di potongkopon, osiliu o Wikimania sabaagi iso laang montok minsingilo mantad tiso om tiso om mogiilang toilaan miagal do inisiatif komuniti, pomogunoon kakamot, pongonjulan ababayan, tadbir urus, kimpin sawat talian om edit-a-thons, monolibamban kobolingkahangan ii kipionitan do Wiki, om suusuai po.
- Timpu tobontol. Sumiliu o Wikimania 2023 sabaagi kapansalan kumaa tulun ginumuan id Wikimedia sabaagi iso forum montok mogibooboros kokomoi kopoindalanan 2030 Wikimedia Movement Strategy(#Wikimedia2030), om kopoguluanan timpu baino om timpu tobontol i toguangon tokou, mantad teknologi kumaa dasar sompomogunan.
Jejak
Montok popouhan koponguludan program om pogintangan kawagu, miampai ponguhupan mantad Special:MyLanguage/2023:Program Subcommitteejawatakuasa tokoro ponguludan ababayan sukarelawan, poposogu yahai 11 trek ababayan. Intangai id siriba montok maganu toilaan potilombus kokomoi kategori om subkategori. Sokiro kipomusarahan ko do gunoon ii pomusarahan nu montok lobi ko iso' jejak, milo ko papatantu jejak koduo id burang panahakan.
| Jejak ababayan | Kotolinahasan | Sub-kategori / topik pinosogu |
|---|---|---|
| Goos Komuniti | Jejak diti monorimo do piomuangan om komuniti montok papabanta kempen om program kopoinlaaban tonsi diolo. | ■ Kimpin
■ Penyuntingan |
| Pondidikan | Jejak diti popotounda liwang montok goos om program id suang pondidikan om akademik. | ■ Wikipedia id linimput balajalan
■ Piilangan id Institut pondidikan toi ko' koisaan tongomongingia' |
| Ekuiti, Kohompitan om Kolidasan Komuniti | Jejak diti popotounda liwang montok mogibooboros kokomoi ekuiti, kohompitan om hak sondii sabaagi ralan popoingkawas kolidasan tulun ginumuan. | ■ Pibarasan poinlongkod kopogikaakawo'on. ■ Ekuiti, kohompitan om hak sondii ■ Ekuiti toilaan ■ Komilo onuon do momoguno ■ Boros (& kopodolinan) ■ Jurang jantina om topik kokomoi kopogisuusuaian jantina ■ Pangantaban kijulat alamat IP id pogun di haro infrastruktur di orontob/infrastruktur piniilangan ■ Kod Universal Wikimedia (UCoC) ■ Koumoligan do sukarelawan |
| Watas ESEAP (Kosilahon, Asia Ponongsiba Kosilahon om Pasifik) | Jejak diti kitudu do popoimbulai goos mantad puru tinimungan miniamung, komuniti om ponyumbang songungulun montok pmonginsonong tonsi toi ko' katangaban kokomoi rantau Timur, Asia Tenggara om Pasifik. | ■ Pisokodungan mogikaakawo koubasanan id pogun ESEAP ■ Koingkokoton komuniti ■ Kapasiti koingkokoton id Okoro om Inkubator Boros id projek Wikimedia |
| GLAM, Tinungkusan om Koubasanan | Jejak diti popotounda liwang montok goos om ababyan id suang ponomposian tinungkusan om koubasanan, pisokodungan miampai institusi koubasanan ii papahangkum do Galeri, Longkod Pambasaan, Arkib om Muzium. | ■ Ababayan Pondigitalan ■ Advokasi akses poingukab ■ Misokodung miampai Mogigion Tulun Sandad |
| Tadbir urus | Jejak diti monokodung pibarasan do komuniti i pointarad do kotoinaan, struktur om ponginwoguan, goos apangkal mantad Pomoguraan Strategi. | ■ Piagam Pomoguraan ■ Hab serantau om tematik ■ Tonggungan id pomoguraan ■ Proses momonsoi kootuson ■ Majlis Wikimedia Sompomogunan ■ Tadbir urus montok pontadbiran (projek, komuniti, puru piomungan) |
| Undang-undang, Advokasi om Risiko | Popohompit o jejak diti do topik pibarasan di nakatantu, miagal do hak cipta om komilo onuon digital, om isu kawawagu di nokoimbulai, miagal do koingkawasan penapisan om toilaan di au otopot id pomogunan diti, miampai dasar awam om hak asasi tulun ginumuan. | ■ Pangantaban Wikipedia id piipiro pogun ■ Toilaan di nakasala ■ Ponopisan ■ Koligogon Undang-undang, pinokianu poposoliwan ■ Pionitan do pomorinta ■ Ponginwoguan hak cipta (Kosinggawaan do Panorama, lisin di au minog bayaran om suai-suai po) ■ Komilo onuon digital ■ Kelestarian posorili om krisis iklim |
| Data poingukab | Jejak diti manahak liwang montok goos komuniti id pomogunoon om kopomogunoon kawagu data, popionit projek Wikimedia di misuai om potilombus. | ■ Data statistik aanu toinsanan ■ Pomogunoon/ pomogunoon kawagu data ■ Data poingukab om katapatan ■ Popiungkait data geografi, data sosio-ekonomi, data demografi ■ Wikidata toi ko' Data Kistruktur id Commons |
| Ponoriukan, Sains om Pongusapan | Jejaka diti mangalap do kalaja-kalaja ponoriukan miampai topik di kipionitan do Wikimedia om tema Wikimania. Iti nopo nga' iso liwang mogibooboros kokomoi mogikaakawo pinggisaman tonsi id gana sains, posorili om pongusapan. | ■ Pinsingilaan kokomoi posorili om krisis iklim.
■ Ponoriukan kowoowoyoon id suang popoinggumu tonsi |
| Teknologi | Jejak klasik diti nopo nga' montok mogibooboros nunu nopo kokomoi produk om teknologi id suang Pomoguraan Wikimedia. | ■ Produk om kowoowoyoon kawawagu ■ Demostrasi toi ko' tutorial kakamot ■ Kakamot id taang popoburu om pongumbalan ■ Inovasi Teknologi |
| Pomusarahan di olias | Pamanahan poingukab poingorentasi timpu dumontol montok Wikimedian montok mogibooboros kokomoi pomusarahan olias om poninduan timpu dumontol... montok kagarasan toi ko' koluhoyon. | ■ Senario timpu tobontol osomok toi ko' osodu. ■ Senario Pogotulan Toitom ■ Etika Kadarakasan winonsoi-wonsoi om Pinsingilaan Misin ■ Sinumolod o Chatbot!!! |
Soira kosorou ko kokomoi kapanahakan program Wikimania nu, soroho no do manu daa yahai popokito kalaja togingo i nowonsoi id toinsanan projek Wikimedia, okon ko' projek tagayo no. Popoimbulai nogi daa yahai do kalaja di winonsoi id toinsanan wilayah kopomoguraan di, lobi no kopio id siriba toi ko' au po nakabanta id ababayan Wikimedia sompomogunan.
Mamalan yahai montok popoilang kapanahakan abstrak ababayan wiki diti montok popoimbulai kosiwatan pisokodungan. Sokiro poposogu o tulun suai uhu toi ko' pibarasan di miagal, nokuro tu' au nogi misokodung toi ko' miamung? Kuliah sehala milo silihon sabaagi panel interaktif toi ko' bengkel pisokodungan. Intangan id siriba montok koilaan potilombus.
Kawo panahakan
Haro piipiro format, kohompit no ponudukan, pabantaan panel, pibarasan om bengkel i popotosol do kopoingkawasan kabaalan. Haro nogi sesi pibarasan osikap om interaksi sosial. Poingukab nogi yahai kumaa do pomusarahan format ababayan di kopiipio om wagu, kohompit no piomungan do kawo.
| Kawo | Kotolinahasan | Timpu standard di pinatahak | Visual |
|---|---|---|---|
| Bengkel | Iti nopo nga' sesi hinonggo mogiigintong nopo nga' borintoraksi miampai aktif kokomoi topik, kosoruan poinlongkod do kalaja praktikal, maganu toi ko' popogirot kabaalan pointantu, toi ko' momongo kalaja pointantu. | 60 minit |  |
| Demonstrasi | Id sesi diti, onuan o demonstrasi o tulun di mintong, miagal do inovasi teknologi. | 30 minit |
|
| Pambalajalan | Iti nopo nga' pambantaan lisan i kitudu do popointutun toilaan, popoilang tua pomusarahan kokomoi subjek pointantu, toi ko' popotigas asil iso-iso projek. | 30 minit |
|
| Panel | Iti nopo nga' tinimungan tokoro tulun tangabaal toi ko' isai-isai i haro nawayaan kopio mimboros id dumbangan. Koinsoruan nopo nga popohompit no moderator i manapanai pibarasan om sumonu popoimbulai poguhatan mantad tulun di mintong. Alapon o tulun di mogintong do borinteraksi miampai panel om manahak do poguhatan. | 30 minit |
|
| Manahak poguhatan
pibarasan poingukab |
Iti nopo nga' proses pibarasan kistruktur montok mogibooboros kokomoi uhu pointantu, miilang toilaan om kosoruan momonsoi kootuson kolektif. | 90 minit |
|
| Pibarasan tosikap | Iti nopo nga' pabantaan toniba om aralom moi kaanu i momooboros do popoilang konsep toi ko' tua' pomusarahan, kosoruan sabaagi pamagayat rahi toi ko' titik kotimpuunon montok di mokiikinongou do mongilo kokomoi toilaan miampai potilombus. Insaru poonjulon o pibarasan tosikap sabaagi pongolon di momooboros do sorosoiso. | 10 minit (toi ko' okuri) |
|
| Sesi poster | Maya kotindapahan mitimbungak toi ko' kotindapahan osodu, kiwaa timpu nu di poimbida montok papabanta uhu poster nu om montok di mokiikinongou do manahak poguhatan kumaa diya. Sesi poster nopo nga milo kadarapas do topik om tema, koubasan nopo nga' papabanta ruputan projek toi ko' goos, asil ponoriukan, ponyolidikan toi ko' teknolog. | TBD |
|
| Sesi kohiok | Aktiviti miagal do popokito koubasanan, pomoinan, pomoguraan, taakanon, ababayan mogibooboros, podcasts om suai-suai po kawo kohiakan milo powonsoyon hiti. | 30 minit |
|
| Suai-suai | Iti nopo nga' toinsanan ababayan suai miagal do aktiviti id labus, mamanau mingambal, editathon, datathon, toud om mogihum potikan, om suai-suai po. | 30 minit (mogisuusuai kanto o timpu) |
|
.jpg)
.jpg)
Montok momusorou poingkuro sesi Wikimania dokoyu, mongunsub yahai do poposotol kou do konsep interaktif miagal do bengkel om pibarasan. Iti nopo nga koinsan nogi pinaharo kawagu dahai kalapas do 3 toun, om osonong nogi do maganu togumu kounalan maya pisokodungan om kohompit do pibarasan miagal di insaru dahai powonsoyon. Id timpu diti nogi, mantad piipiro toun di nakatalib, nakaanu yahai ogumu koinganan papaharo do ababayan sawat talian om asanangan daa yahai do popoimbulai kosulimbangan id pialatan pengaturcaraan koiyonon, pangaturcaraan maya minsosondii om id sawat talian. Sokiro nopo pomusarahan program nu lobi pointarad kumaa pabantaan toi ko' piilangan sehala, nokuro tu' au mumbal do manahak suang video prarakam om soira pokionuon, pibarasan toniba miampai osikap toi ko' sesi poster id liwang pokiikitanan? Toun diti, kipalan yahai do momoguno liwang kinoyonon di osinggawa om kikalansanan do popomaksimum sesi poster miampai timpu di tinahak montok interaksi miampai tulun suai om pomusarahan di abantug.
Hibrid, ababayan Satelit, Vidiu Pokionuon
Tinimungan papapanau milo momusorou kokomoi panganjulan sondii karamayan mogintong om ababayan tokoro di suai om popioput doti miampai potilombus miampai Singapura id timpu di poimbida monikid tadau. Okon ko' kaanu toi' ko' manu o toinsanan tulun id komuniti mamanau montok miromut miampai Wikimedia suai. Iya om tambalut nu nga milo popoindalan do ababayan satelit ontok tadau toi ko' timpu pointantu do Wikimania. Montok do puru Wikimedia i miniamung, milo uludon o ababayan satelit om biaya'on sabaagi soboogian mantad do Dana Ponokodung Am. Sundung pia id kotimpuunon nopo nga au pinotonggoi sabaagi sogu, milo kanto poundolihon o dana id suang belanjawan nu montok momonsoi ababayan. Iloo' miampai potilombus om gunoo' bolikan pibarasan diti montok momonsoi pibarasan pogulu kokomoi tua' pomusaraan.
Sokiro au torimoon i pinaatod nu, sorohon no kokomoi manahak suang pra-rakaman vidiu toniba i maan potounda'o maya pinokianu toi ko' momonsoi vidiu toniba kitimpu 1 gisom 3 minit i poposolimbou do uhu nu, miagal sesi poster maya.
Poguhatan?
Sokiro agayat ginawo nu mongilo suang do burang panahakan ababayan, milo ko mongoi id bolikan poguhatan burang. Mogintong kawagu poguhatan om popotounda do ponimbar tintod papaatod nopo nga' koponguhup.
Nokopotounda no yahai do bolikan Poguhatan Di Insaru Uhoton (FAQ) montok diya. Sokiro haro poguhatan suai om aiso ii doid FAQ, milo nogi papaatod email id kapanahakan ababayan id; wikimania
wikimedia.org toi ko' poruhangon poguhatan nu id bolikan ponguhup.