2023: Bengkel impohon
16-19 Magus 2023, Singapore om Sawat Talian
Kopogisuayan. Piuhupan. Timpu Dumontol.
Orohian ko minsingilo lobi ogumu kokomoi projek Wikimania om poingkuro monyumbang kumaa diolo? Manu ko mamung id sukarelawan komuniti global montok popoilang toilaan kumaa toinsanan? Nung ho'o, nuru ko tumindapou Bengkel Impohon Wikimedia id Wikimania 2023!
Wikimania nopo nga ababayan di pohoroon monikid toun montok mamarayou projek toilaan i hooson do Yayasan Wikimedia, miagal do Wikipedia, Wikidata, Wikimedia Commons, Wikisource, Wiktionary om ogumu po. Iti nopo nga iso kosiwatan montok rumuba toinsanan puru Wikimedia, miilang tua' pomusarahan om minsingilo kabaalan wagu.
Bengkel Impohon Wikimedia nopo nga pinaharo montok puru wagu i tumimpuun nogi do mongidit om poposuang konten id platform Wikimedia. Minsingilo yolo impohon kokomoi do:
Wikipedia: ensiklopedia sawat talian di milo editon do toinsanan miampai au mambarai. Minsingilo poingkuro do momonsoi om monginsonong artikel, momoruhang toud om gambal, om mongilag do kasalaan di koubasan.
Wikimedia Commons: media repositori di au minog barayan i milo isai nopo monyumbang. Minsingilo poingkuro poposuang om popokategori fail, momoruhang kotolinahasan om lisin, om momoguno media id projek suai.
Wikidata: impohon do toilaan au barayan om poingukab i milo iditon do toinsanan. Minsingilo poingkuro momonsoi om mongidit item, momoruhang kotolinahasan om toud, om momoguno kakamot om poguhatan.
Wikisource: longkod pambasaan montok teks toud di au minog barayan i milo insanangan do isai nopo. Minsingilo poingkuro mamadalin om mambasa teks, momoruhang metadata om anotasi, om momoguno kakamot om templat.
Wiktionary: komoiboros di au minog barayan di milo iditon do isai-isai nopo. Minsingilo poingkuro momonsoi om mongidit entri, momoruhang komoyon om koundolihon boros, om momoguno kakamot om format.
Pohoroon bengkel dii ontok tadau Mirod, Magus 15 gisom tadau Madsa, Magus 16 2023, id Longkod Konvensyen om Pamiran Suntec Singapura, sabaagi iso boogian ababayan do pra-porsidangan antakan Wikimania 2023. Luguan montok bengkel diti nopo nga Wikimedian di ogumu no nawayaan i kaanu manapanai diya id impohon om monimbar poguhatan nu.
Montok dumopitar id bengkel, nuru ko dumopitar id dumopitar montok Wikimania 2023. Kalapas dii, milo ko momili nunu nopo bengkel di tonudon nu id bolikan program. Bengkel diti au minog do barayan nga tirikohonon nopo nga au ogumu.
Kada tolibai kosiwatan diti montok minsingilo lobi ogumu kokomoi projek Wikimedia om poingkuro manahak sumbangan kumaa diolo. Tanud dahai id bengkel Impohon Wikimedia id Wikimania 2023 om siliu soboogian do koguraan toilaan percuma.
Todoso pautan id siriba montok minsingilo lobi ogumu kokomoi monikid bengkel.
| Projek Wikimedia | Tadauwulan | Timpu tumimpuun (UTC+8) |
Timpu koundorongon (UTC+8) |
Linimput |
|---|---|---|---|---|
| Wikidata 1 | Tuesday, 15 August | 10:00 AM | 4:30 PM | Room 324 |
| Wikidata 2 | Tuesday, 15 August | 4:45 PM | 7:00 PM | Room 324 |
| Wiktionary | Tuesday, 15 August | 4:45 PM | 7:00 PM | Room 311 |
| Wikisource 1 | Wednesday, 16 August | 10:00 AM | 1:15 PM | Plenary Hall, Halls 401/402 |
| Wikipedia | Wednesday, 16 August | 10:00 AM | 1:15 PM | Room 310 |
| Wikisource 2 | Wednesday, 16 August | 2:15 PM | 4:30 PM | Room 311 |
| Wikimedia Commons | Wednesday, 16 August | 2:15 PM | 4:30 PM | Room 310 |
