2023: Program di ogumu pokionuon
16-19 Magus 2023, Singapore om Sawat Talian
Kopogisuayan. Piuhupan. Timpu Dumontol.
Id Wikimania 2023, haro o longkod tagayo montok sesi rekod di ogumu pinokianu i potoundaon kumaa toinsanan mampayat montok mogintong kawagu om mogintong timpu toliwang diolo. Ogumu tulun minokianu program di naalap montok papaatod sesi rikud id liwang dii pogulu po do Wikimania, om ii suai nga' alapon nogi paatod sesi rikud dii.
Sundung do okon ko soboogian mantad do program apangkal miampai koinsanai o longkod diti, milo o panganjul persidangan do momili vidiu di bobos osonong mantad liwang dii montok pokitonon maamaso timpu koudarangan toi ko' slot poingukab doid ababayan. Mongunsub nogi yolo do mampayat maya mitoguang om sawat talian do mongulit monorisid om mogintong sesi pinokianu diti.
Papaatod vidiu di akawas pokionuon
Poposogu o panganjul do persidangan do vidiu akawas pokionuan diti nopo nga pooopion gisom 20 minit, miampai 5 minit ninaru. Iti nopo nga kaanu monguhup doid kopoilangan vidiu dii.
Unsubon o mampayat do poposuang vidiu diolo di nogonop id Wikimedia Commons. Minog diolo do poilo'on o panganjul sokiro pinosuang diolo o vidiu dii maya liwang suai miagal do pinosuang id Nextcloud, YouTransfer, Microsoft OneDrive, Google Drive.
Soira nokosuang, vidiu nopo dii nga maan poruhango id Kategori: Wikimania 2023 program Ogumu Pokionuon moi do kokito o panganjul ababayan do vidiu dii. Timpu tohuri kapaatadan nopo nga ontok tadau Tontolu, 7 Magus 2023.
Tituduk mamarakam
Tituhuk kamira montok Android
- Todoso ikon tituhuk. Pilio' Resolusi & Kualiti, mod om kamira.
- Pilio' tituhuk resolusi toi ko' kualiti vidiu mantad katayadan: 30 fps nopo nga okito miagal do vidiu standard; 60 fps nopo nga kaanu mamagambal koguraan di lobi osonong.
- Pilio tituhuk nisbah 16:9 miirad do 4:3
Tituhuk kamira montok iPhone/iPad
- Id iPhone, ukabai tituhuk, suang id "kamira". Mantad dii, todoso "Rikud Vidiu", pilio hombo-hombo mantad do pomilian 4K. Ponimbanan hiti kaanu monimban minsindikot id suang aplikasi kamira.
- Pilio piadangan dingkai: 30 fps nopo nga okito miagal do vidiu standard; 60 fps nopo nga kaanu maganu vidiu miampai koguraan di lobi osonong. Sokiro koponguhup iti, lalai Apple nopo nga 30 fps.
- Pilio tituhuk nisbah 16:9 miadang do 4:3.
Tituhuk Kamira montok Kompiuto id Pokionuon Bidiu Persidangan (miagal do Jitsi toi ko' Zoom)
- Montok koilaan sumusuhut, intangai id pomorikudan Webcam.
- Ukabai Jitsi toi ko' Zoom om todoso simbol rikud. Iri nopo nga' id siriba do skrin.
- Milo poopion id desktop nu toi ko' id cloud, hombo i lobi osonong om ouhan montok diya.
- Soroho no do minog ko papaatod pautan vidiu dii kumaa dahai, om sorohon no hombo poopian nu do pautan dii.
Momorikud
- Sokiro momoguno ko tolipun, pisakon no mod kapal tulud om pisokon aplikasi i mamanau id tolikud montok mongilag kakasahan.
- Kada pamarakam id kinoyonon di otuong. Mamarakam id kinoyonon di kibabang kaanu papaasil vidiu di lobi osonong.
- Binabang topurak vs. binabang tosilou kaanu maganu gambal di lobi olumis. Binabang sandad nopo nga lobi olumis. Sokiro pointoning ko liligaon, turos nopo nga minog pointoguang liligaon, okon ko' suai ko mantad dii. Poopuyon nunu-nunu binabang i kaanu monguhup mamabang turos mantad disan om tolikud nu. Umbalai amu momoguno do flash.
- Lidangon o lensa kamira nu. Momoguno kain montok soromin mato nung haro no; kada pomoguno do tisu (lobi-lobi no miampai do losyen).
- Intangan posorili moi do aiso kagangahan miagal do tuni agangau toi ko' aktiviti. Osonong daa id kinoyonon di pakadaada. Tutupan o kipas, aircond, TV toi ko' nunu nopo i kaanu popoimbulai kagangahan.
- Bayaan no haro iso toi ko' lobi vidiu di kikoindalanon di otolinahas om haro loyuk pongukaban om pongompus. Pootodon kumaa dahai o vidiu nu di bobos osonong, koubasan intolu maganu montok manganu vidiu di bobos osonong.
Landskap
Sokiro mamarakam ko momoguno tolipun, soroho no momoguno orientasi landskap. Iti nopo nga montok mongidu liwang oitom id disan do vidiu. Kopomoguno o vidiu lobi ogumu o skrin om popouhan tulun ginumuan do mogintong vidiu nu.
Dingkai
Soira nakapamarakam ko no doid orientasi di kotunud, suangan no dingkai do subjek nu miampai poimponu. Tulu nu minog au apaping id kamira, minog haro liwang id pialatan do boogian sawat om siriba montok tulu nu om skrin. Kada insomok tomod mantad di kamera.
Popotimbang om Monginsonong do Rakaman
Sokiro mamarakam momoguno tolipun, sorohon no iti:
- Poinsomokon tolipun miampai tinan nu.
- Poundorongon siku no id somok do objek moi do otimbang.
- Guno'o tinan nu montok manarabak kosimpodon om koguraan.
- Umbalai om powonsoyo tolipun nu moi do au kogura, sokiro haro tripod toi ko' poilihan tolipun nga lobi osonong.
Panamangan kualiti
Intangai vidiu nu om ilo'on kowoowoyoon tuni di osonong, binabang di olumis. Kada pondosi do mamarakam om monginsonong kawagu.
