2023:Hackathon

Add links
From Wikimania
This page is a translated version of the page 2023:Hackathon and the translation is 100% complete.


Montok kumoinsan nogi mantad Stockholm 2019, Wikimania Hacathon nokoguli kawau sabaagi ababayan poribadi.

Maganu iti kinoyonon id kinoyonon Wikimania, maindad do program apangkal, mantad Mirod, 15 Magus gisom Kurudu, 19 Magus.

Mampayat mantad mogisuusuai taang do nawayaan alapon'. Minsingilo toi ko' kumalaja ko miampai porisian om pangkalan data nga' wagu id koguraan Wikimedia? Kanu mamung do momoguno wagu di kidedikasi, om minsingilo hinggo projek di osonong montokd diya miampai ponguhupan mantad mentor. Toi ko' kumalaja ko toi ko' miampai profesional projek Wikimedia, miagal do Insitut GLAM? Kano minsingilo poingkuro ko milo popoautomatik piipiro kalaja nu, maimpai popiadang kumaa soosongulun di kaanu monguhup diya minsingilo kabaalan teknikal.

Om sokiro kinawayaan ko id panganjulan teknikal, kaanu ko mogihum do format sesi gaya-okon porsidangan di kopiagal, om iti kaanu manahak liwang ponggodaman khusus montok kumalaja om misokodung miampai projek nu.

Kinoyonon

Wikimania 2023 Hackathon maan pindalano id Longkod Konvensyen om Pamiran Suntec Singapura, id liwang di miagal do porsidangan Wikimania utama. Id pomoruhangan, montok timpu katalib ponggodaman, mampayat kaanu akses kumaa liwang dedikasi id Village Hotel ontok tadau Tadtaru, 17 Magus om tadau Kukuak, 18 Magus.

Format

Toun diti, popokito Hackaton do duo trek di misuai:

  • Trek momoguno wagu: Sabaagi popointutun Teknologi Wikimedia ii popokito duo sesi om kotitimpuun- bengkel mesra tambalut, miampai program untuk popiganfinf mampayat wag kumaa projek toi ko' soosongulun di milo manahak orientasi.
  • Trek Okon Persidangan: Iso toi ko' lobi pamabakan liwang maan potoundao id kogumuan tadau montok sesi di momoruhang program sobolum toi ko' maamaso ababayan tu' minog diolo do intutunan.

Liwang monggodam apangkal nopo nga' potoundaon solinaid ababayan, hinonggo mampayat diti milo mirikai om kumalaja id projek miampai.

Ponguludan Timpu

Main page: Special:MyLanguage/2023:Hackathon/Schedule
  • Mirod, 15 Magus:
    • Tadau diti tumimpuun miampai sesi pongukaban Hackathon, tonudon do orientasi montok mampayat wagu, manahak mentor, om kotohuri, pomilian projek. Sokiro au ko nakatanud sesi pongukaban om au koilo poingkuro tumimpuun, haro Mija Pangalpan pohoroon montok monguhup om manapanai solinaid ababayan.
    • Antakan do pitangaadau, haro o sesi kopointutunan kumaa osuau-wagu korikot, nogi liwang montok sesi okon porsidangan. Tadau id Longkod Porsidangan Suntec aayi antakan jam 4.30 sosodopon.
    • Tonudo iti, alapon dahai iya do tumanud dahai montok ababayan sosial id Kebun Botani Singapura, Tapak Tinungkusan Pogun UNESCO mantad po di 2015. Kotombuluian tumimpuun do 5 sosodoon om tumilombus do makan totuong id medan selera, hinonggo mogikaakawo taakanon tempatan di milo akanon. Iti nopo nga' sondii mambarai, nga' au ii apagon o gatang, miampai gatang mantad S$3.00 kumaa S$5.00. Toilaan potilombus haro id bolikan diti: Tumombului id Kebun Botanic Singapura.
  • Madsa, 16 Magus:
    • Haro o pamabakan linimput montok momoruhang do liwang ponggodaman, pataakon kumaa bingkil osuau-wagu nokorikot. Sesi okon- porsidangan au pohoroon tadau diti. Liwang ponggodaman apangkal nopo nga' poindalanon onton 9 kosuabon gisom 7 totuong, om pamabakan bilik mantad 10 kosuabon gisom 7 totuong.
  • Tadtaru, 17 Magus:
    • Liwang ponggodaman nopo nga milo gunoon mantad 9 kosuabon gisom 9 totuong. Sosodopon nopo, milo ko popotilombus ponggodaman nu id liwang khusus id Hotel Village. Kiwaa duo bilik di pinibabak do nokotounda montok sesi okon porsidangan id pialatan 5 sosodopon gisom 7 sosodopon.
  • Kukuak, 18 Magus:
    • Liwang ponggodaman apangkal nopo nga' tumimpuun mantad 9 kosuabon gisom 7 sosodopon. Ontok tadau Kurudu, ponggodoman tumimpuun id liwang pinotounda id Hotel Village. Duo linimput binabak ukaban kawagu montok sesi okon porsidangan id pialatan timpu 5 sosodopon gisom 7 sosodopon.
  • Kurudu, 19 Magus:
    • Tadau kolimpupuson montok hackathon popokito do liwang ponggodaman apangkal ii ukaban mantad 9 kosuabon gisom 12.45 pitangaadau. Kalapas timpu koundarangan makan pitangaadau, alapon dahai toinsanan mampayat sumuang id Diwan Plenary montok ababayan Pamiran hackathon om ababayan pomupus. Maamaso pamiran, mampayat di orohian popoilang projek diolo maan onuai do slot solinaid 2 minit.
    • Pamiran Hackathon popotounda do liwang montok toinsanan mampayat do papabanta projek diolo kumaa toinsanan komuniti Wikimania. Andado butiran potilombus maamaso oruhai no tadauwulan ababayan. Iti nopo nga' kosiwatan di ogingo montok popoilang kalaja om naanu-anu nu kumaa mampayat suai. Au yahai kaandad do mogintong projek di luar biasa ii koimbulai mantad Hackathon!


Kotoundaan montok Hackathon

  • Pomodopitaran: | Pomodopitaran montok Hackathon Wikimania nopo nga' au okito! Sokiro nokodopitar ko no id ababayan tapangkal, nokotounda ko no - au minog do pomodopitaran poinsuai. Tumounda montok monggodam om mampayat miampai aiso pomoruhangan laang.
  • Projek:
    • Poruhangon nopo projek nu toi ko' intangan kawagu om manahak booboroson kokomoi projek hackathon montok mampayat suai id kalaja Phabricator. Soira ababayan kotohuri rumikot, ogumu projek di nokoruhang, jadi soroho insaru mogintong kawagu montok mogintong koinwoguan om kosiwatan wagu. Kano misokodung om papalantoi hackathon diti.
    • Direktori jodual poggodaman: Kinoyonon projek hiti
  • Sanarai mampayat | Haro pilian nu monto momoruhang tinan nu sondii di Sanarai mampayat Hackathon momoguno ngaran pongguno nu montok mongumolig identiti nu. Soroho, papasanarai tinan nu sondii nopo nga' sabaagi sukarelawan. Mongunsub yahai toinsanan montok mamung om manahak ponguhupan, nga' privasi om kosolisaan nu nopo nga' tonggungang dahai di bobos takawas.
  • Toud mampayat wagu


Kosiwatan sumiliu sukarelawan

Hackathon Wikimania nopo nga' ababayan ii poindalanon montok om miampai mampayat, om mantad dii, haro Program Sukarelawan sondii. Monikid mampayat do hackathon milo maganu tonggungan peribadi montok momonsoi ababayan miampai om monginsonong tumanud korohian diolo. Id siriba, koruba ko piipiro laang di nakatatap no montok monguhup diya poposiliu ababayan diti lobi osonong montok toinsanan tulun. Sokiro aiso iso pia mantad tonggungan sukarelawan diti kosudong miampai diya, milo ko mogihum ralan tokoro montok monguhup. Prinsi teras hackathon dahai nopo nga' sokiro kokito ko koligaganan, siliu no soboogian sabaagi monolibamban koligaganan di. Sokiro kokito soosongulun do apalid, uhupai yolo mogihum wayaan diolo.

Toilaan potilombus kokomoi program sukarelawan diti oruhai no rumikot! Sokiro orohian ko monguhup maya mogisuusuai ralan, rumot do panganjul.

  • Abaabayan Blogging | Dokumen o nawaawayaan dokoyu id kaampayatan do Hackathon Wikimania
  • ponguhupan Hackathon | Monguhup id mangalap korikatan om monokodung mampayat (final list)
  • Mentoring | Monguhup id popisudong momomonsoi miampai projek di kosudong om mentor.
  • Uhupai yahai do momodokumen ababayan | Sumiliu maganu-nuut toi ko' mogihum popionit maamaso pongukaban om kolimpupuson sesi.
  • Abaabayan Fotografi | Piagalo goos nu om posuango gambal ababayan id commons. Basa'on pogulu o Dasar Fotografi Wikimania
  • Logistik | Ponguhup id abaabayan do logistik (e.g., mongulud do koiyonon, popoundaliu do linimput id setup id pialatan do plenary miampai hacking, om suusuai po.)
  • Kopoilaan | Poilango o kowoowoyoo abaabayan kokomoi do koiyonon Hackathon (miagal ko: program sesi di rumikot, mogihum sosongulun montok kouhupan do kalaja, timpu makan tangaadau, toi ko' abaabayan sosial)
  • 'Sesi Koordinasi | Ponguhup id mangalap do mobooboros, maganu nuut, fasilitator om nogi mogintong timpu ontok do sesi, om suusuai po.)

Pibarasan

Saluran potilombus koubasan gunoon montok mirumo miampai mampayat suai: soboogian mantad diolo lobi toi ko' au aktif solinaid toun.


Media

Wikimedia Commons has media related to 2023:Hackathon.

Tinimungan Panganjul

Abaabayan Teknologi Subkomiti (Hackathon)

  • Robert Sim, Chair
  • Slavina Stefanova (WMF)
  • Onyinyechi Onifade
  • Andrew Lih
  • Jay Prakash
  • Vasanth Gopa
  • Szymon Grabarczuk
  • Kenrick Angarra
  • Omar Sansi
  • Joris Darlington Quarshie

Dasar liwang osuau om Tatakowoowoyoon

Montok popotindohoi do posorili di positif om inklusif, toinsanan mampayat Hackathon minog do mumboyo koduo-duo Dasar Liwang Osuau om Tatakowoowoyoon montok ruang teknikal id Wikimania diti. Papapangkal yahai do mamantang om misokodung montok toinsanan mampayat. Au kalantoi so tumanud dasar diti papasabap pokionuon ko sumoliwan mantad ababayan dii. Kano misokodung montok momonsoi nawayaan di lobi osuau om otinolig montok toinsanan mampayat di kohompit.

Other languages:
Retrieved from "https://wikimania.wikimedia.org/w/index.php?title=2023:Hackathon/dtp&oldid=349026"