2023: Pibarasan Tosikap
16-19 Magus 2023, Singapore om Sawat Talian
Kopogisuayan. Piuhupan. Timpu Dumontol.
Pibarasan tosikap id Wikimania
Miagal id monikid Wikimania, Wikimania Singapura nogi nga' papaharo ogumu pibarasan tosikap dasom do program. Pibarasan diti nopo nga liwang montok di manahak booboroson popokito do asil kalaja om tua' pomusarahan diolo kumaa ginumuan id sesi di otigas om kibagas solinaid do 5 toi ko' 10 minit.
Toun diti, montok momoruhang do pibarasan tosikap maya solinaid program trek tematik, ii pohoroon do 10 minit om insaru potimungon miampai suai montok mibooboros kokomoi uhu di miagal, nogi nga' pohoroon id Pambantaan Pibarasan Tosikap id pantas apangkal antakan sesi sodopon. Pibarasan miampai Pambantaan Pibarasan Tosikap kaanu popohompit do mogikaakawo uhu om onuan do 5 minit monikid iso.
Soira kosoliwan o program poimponu, i manahak booboroson mogintong nung pibarasan tosikap di powonsoyon id program umum toi ko' maya Pabantaan Pibarasan Tosikap. Basa'o id siriba montok minsingilo kokomoi Pabantaan Pibarasan Tosikap.
== Pabantaan Pibarasan Tosikap Wikimania 2023: Agaras Wiki Osonong Pomusarahan Nokoilang!' ==
Tadauwulan/timpu: Magus 18, 4:45-7:00 PM timpu id Singapura.
Id Wikimania diti, papaharo yahai do Pabantaan Pibarasan Tosikap montok popokito poomitanan piipiro konsep di kagayat ginawo om pomusarahan di agaras ii kopulid id pomogunan mantad mogikaakawo tadon Pomoguroon Wikimedia. Pibarasan nopo dii nga' poilangan miampai mongunsub koimbulayan pomusarahan di inovatif, 5 minit id iso timpu, maamaso 4 kitima segmen 30 minit.
Nunu o pibarasan tosikap?
Pibarasan tosikap nopo nga' pabantaan toniba di maganu no piipiro timpu, tahakon id konferens toi ko' forum di miagal-agal. Piipiro pibarasan tosikap insaru poilangon mantad mogisuusuai manahak booboroson id iso timpu, ii komoyon do data tosikap. Piipiro format pibarasan tosikap, kohompit do PechaKucha om Ignite, kohompit do soginumu slaid pointantu ii patanahakon maya automatik id selang timpu di pinatatap. Gunoon dahai kaida diti id kopokitanan.
Montok manahak booboroson
Piro timpu tahakon?
Porontobon dahai timpu montok pibarasan tosikap kumaa 5 minit montok monikid manahak booboroson. Toun diti, onuan omanahak booboroson do timpu pointantu montok moboros id apat segmen kitima. Ogumu po kawagu ahal do rumikot.
Tumombului poimbida
Pibrasan tosikap nopo nga' winonsoi sabaagi pambantaan toniba hinonggo monikid individu kaanu popoilang tua' pomusarahan om konsep kumaa tulun di kirahi toi ko' nawayaan montok gana pointantu toi ko' uhu pibarasan.
Intagai tumombului poimbida maamaso monikid segmen pibarasan tosikap!
Momorikud
Segmen diti nopo nga' maan rikudo, nga' au sokiro mada ii manahak booboroson. Kidimpoton yahai do popotounda rikud maamaso persidangan diti.
Suusuai nuut kiguno
- Maya pibarasan tosikap, minog i manahak booboroson manahak tonsi boroson diolo miampai otolinahas om mongidu koilaan di au oponsol. Kaanu iti mogowit mokikinongou booboroson lobi otorodok mokinongou kumaa manahak booboros om maganu lobi ogumu toilaan mantad booboroson tinahak.
- Pomusarahan nopo kokomoi pibarasan tosikap nopo nga' montok popoilang tua' pomusarahan toi ko' projek -- iti nopo nga' okon ko pibarasan akademik di nogonop. Olingai butiran kopoindalanan - sunudai yahai nokuro tu kagayat ginawo o projek nu om nokuro tu' minog dahai do intangan. Palano montok papabanta iso no tua' pomusarahan toi ko' projek.
- Toinsanan poboroson nopo nga' kitimpu 5 minit maksimum. Sokiro momoguno ko do slaid, potoundaon id laptop nu om potoundaon montok gunoon.
- Haro o maganu timpu montok mogintong timpu monikid papabanta.
- Tindapou no id monikid sesi montok monokodung di manahak booboroson.
- Pokionuon dahai ii manahak booboroson do mulud id toguang do booboroson nu tu' sesi nopo nga' osikap.
Pounsikou!
