2023: Karamayan
16-19 Magus 2023, Singapore om Sawat Talian
Kopogisuayan. Piuhupan. Timpu Dumontol.
Aaanangan kou do toilaan poingukab, aramai om koubasanan? Daadi, orohian kou kanto diti abaabayan karamayan ontok do Wikimania 2023!
Wikimania nopo nga persidangan tounan i mamaramai do projek toilaan do poingukab. Okon nopo ko kokomoi do pinsingilaan om bengkel iti, nga kokomoi nogi do pogilangan taakanon, koinusan om koubasanan, mogitorungak miampai tambalut toi ko' minsayau miampai do rahi di poimponu om nogi mihiok miampai do Wikimedian mantad sompomogunan. Sabab nopo dii, pinopotounda yahai do mogikaakawo karamayan montok dokoyu ontok do persidangan dii. Kogumuan nopo di manahak do koposolimbahan karamayan diti nopo nga mantad do puru komuniti Wikimedia sondii, patahakon kumaa dokoyu miampai do lisih om topurimanan do minsingilo. Okito ngaawi o piipiro iri id siriba:
Anugerah Wikimedian of the Year
Anugerah Wikimedian of the Year nopo nga koindalan do tikid toun id Wikimania, om nokoburu id duo toun tohuri (intangai ii bontugon do 2021 om 2022). Naramai dahai o kodimpoton di kawawagu nokorikot i obuli tomod, miampai do tapap longon montok di sakadai ogingo id media om teknologi, mamagatang karaja do kakitangan afiliates, mamantang do komuniti i alaid no berkhidmat om piipiro selebriti id guraan dahai, miampai magalap diolo id suang “Diwan kapantangan, sukarilawan toomod ii anggapon sabaagi do poomitanan kumaa tambalut diolo. Daadi, isai i kaanu mampayat dahai do toun diti? Iso no woyo do mongilo dilo.
- Kotilombus mantad Singapura, 16 Magus (Madsa) mantad bobog 5.30 minsosodop gisom do 7 minsosodop (9.30-11 UTC) id Diwan Plenary, 401/402 Suntec Convention Centre.
Koposolimbahan Aotearoa Pasifika
Iso koposolimbahan i abantug i popiamung do mogikaakawo disiplin id koinusan do Pasifik. Sabaagi tutumungkus mantad do Te Moana Nui-A-Kiwa, tinimungan komulakan koinusan mantad Aotearoa, New Zealand, popokito do rolou di ogingo mantad Tonga, Samoa om Niue maya visual koubasanan om koguraan kontemporari, booboroson, sinding om nogi sisindiron politik.
- Intangai iti ontok do 17 Magus (Tadtaru) mantad 1:45 PM gisom do 2:15 PM (5:45 -6:15 UTC) id Dewan Plenary, 401/402 Suntec Convention Centre.
Ilo'o o Rahsia Ekosistem Ponorubungan om Koingkokoton Wikimedia di Afrika
Ilo'o poingkuro o para peneliti om popoburu Wikimedia id Afrika kumaraja montok solusi inovatif do monolimbamban tantaman om kosiwatan toilaan poingukab id bonua diti. Id sesi kohiakan diti, tumanud toko do sesi kuiz i kohiok om interaktif i kitudu do popointutun mamampayat id mogisuusuai aspek ekosistom ponorisidan om popoburu Wikimedia id Afrika. Miampai do kaampayatan mamampayat, kaanu yolo do korotian poinralom kokomoi bagas Wikimedia id bonua Afrika om tonggungan diolo do mempromosi om popoilang toilaan om inovasi, kopisudong do tema persidangan ii no mogisuusuai, Kolaborasi om nogi timpu dumontol.
- Ampayat diti ontok 17 Magus (Tadtaru) mantad 1:45 PM gisom do 2:05 PM (5:45 - 6:05 UTC) id linimput 310 Suntec Convention Centre
Pilumbaan Wikipedia! Tournament poingukab montok mogihum juru pandu wiki i tosonong kopio id Wikimania
Id Pilumbaan Wikipedia, mamampayat nopo nga mogiala montok monodos mantad duo artikol nunu nopo id Wikipedia id timpu toruhai, miampai ginumu monodos i okuri. Montok Wikimania 2023, manu yahai do papaharo tournament pilumbaan Wikipedia di poingukab, miampai do toinsanan tulun nga kaanu miamung, mogiolit, om manahak sokodung id mogihum navigasi wiki i tosonong kopio montok toun diti.
Momoguno yahai liwang Pomoinan Wiki, dadi dopitar no om minluda mantad. Pinsingilo lobi togumu id liwang konten. Poingkuro ko kaanu mantad Mi Laksa kumaa Rembrandt maya panadasan toniba? Kaanu ii Wikimedian mongilo ralan dii :)
- Ampayat dahai ontok 17 Magus (Tadtaru) mantad 8:00 PM gisom 9:00 PM (12:00 - 13:00 UTC) id Hotel Royal Park, Beach Raod id Sky Ballroom
Koposolimbahan Wiki-Fesyen
Suai ko iri, kiwaa nogi koposolimbahan Wiki-fesyen, id nunu nopo bontuk di pokitonon do Wikimedian. Pokitono o gaya om kreativiti dokoyu miampai do monginlumis sabaagi kono, konsep toi ko' meme wiki i korohian dokoyu. Alapon kou do momoguno basaan miampai do rasuk om aksesori Wikimedia di bobos tosonong (kantung, pin, buuk), toi ko' rasuk i kopionit do uhu di maan dokoyu suntingo id projek wiki, om poilo'o o tadon. Suai ko iti, kakamot wiki i atalang, nga alapon dahai do gunoon dokoyu miampai basaan om aksesori id gana ii nosunting dokoyu. Manu nogi yahai do papaharo sesi design i kreatif om piboian potilombus montok momonsoi design rasuk toi ko' nunu nopo kakamot kokomoi do wiki.
- Ampayat dahai ontok 17 Magus (Tadtaru) mantad 9:00 PM gisom 10:00 PM (13:00 - 14:00 UTC) id Hotel Royal Park, Beach Road id Sky Ballroom
Para Arkivis Sukarilawan — Kopokitanan om Pilumaagan
Kopisanangan kinorikatan id turugan perdana do The Volunteer Archicists, iso filem dokumentari oniba toun 2022 miampai director om pinalabus do Wikimedian Subhashish Panigrahi. Filem nopo diti nga momisunud kokomoi Srujanika, iso kelompok rilawan mantad India i kiaasil monimung boogian tagayo publikasi id boros Odia i pinalabus mantad toun 1807, kaampai no do lobi 10,000 ginumu buuk.
- Intangai iti ontok do 18 Magus (Kurudu) mantad 1:40 PM gisom do 2:00 PM (5:40 -6:00 UTC) id Diwan Plenary, 401/402 Suntec Convention Centre
Kiihoi, kiwaa logo tuni do Wikimedia
Rikot om pokinongou piipiro pola i osonong kopio nokoimbulai id pialaan global montok the Sound of All Human Knowledge. Ilo'o kokomoi design logo rolou Wikimedia om poingkuro pomogunoon di kaanu momonu projek wiki om koimaan promosi dokoyu.
- Intangai iti ontok do 18 Magus (Kurudu) mantad 2:00 PM gisom do 2:10 PM (6:00 -6:10 UTC) id Diwan Plenary, 401/402 Suntec Convention Centre
Karuki Wiki + koposolimbahan do komilaan!!!
Ampayat do lumoyou miampai do Wikimedian suai toi ko' mokinongou nopo sinding-sinding di kaanangan dokoyu mantad sompogunan. Sinding pop i ointutunan? Sinding laid i osonong kopio? Duet rock? Toi ko' K-pop i wagu po do nakalabus. Bersantai om purimono, pokitono komilaan vokal dokoyu, pokitono komilaan muzik i poinlisok dokoyu om suusuai po.
- Ampayat dahai ontok 18 Magus (Kurudu) mantad 8:00 PM gisom 10:00 PM (12:00 - 14:00 UTC) id Hotel Royal Park, Beach Road id Sky Ballroom
Sazau do Wikeint om Manuk Lembukun mantad Borneo
Wikient, tinimungan tulun asli mantad Sabah, Malaysia, poposolimbou do sayau koubasanan id Wikimania 2023. Saya diti nopo nga' aralom no
nakagamut id koubasanan tinaru Kadazanduusn, om tudu do sesi nopo diti nga montok popointutun do komuniti sompomogunan kokomoi do sayau dii maya ababayan diti.
Koposolimbahan diti nopo nga' piomungan mantad tolu sayau koubasanan tumanud etnik. Kopogulu nopo nga' sayau antad etnik Dusun Lotud ii poposolimbou do tinungkusan Kadazandusun. Potilombus, Sumazau mantad Penampang, ii momoruhang do kolumisan poinsondii kumaa do mogigintong. Kotohuri nopo nga' sayau mantad komuniti Bajau ii roitan do Lampit Senggayung ii posopaduon, momogonop koposolimbahan kopogikaakawaan do koubasanan.
Miampai tuunion koubasanan ii mananud do gura sayau diolo, papabatos o susumayau Wikient do koingaan di aramai ii kaanu popointutun do kopogikaakawaan do koubasanan orang asli Borneo. Kada no oiduan do mintong koposolimbahan koubasanan ii kagayat ginawo maamaso Wikimania 2023!
Manuk Lembukun nopo nga iso sayau koubasanan id Sabah. Sayau nopo diti nga sayau mantad do tinaru Bajau id Sabah id watas do Kota Belud om Pantai Barat Sabah. Tudu nopo do sesi diti nga montok popokito kopogisuusuayan koubasanan id wilayah ESEAP om popokito sabaagi iso komuniti pribumi i aktif id Malaysia.
- Intangai iti ontok do 19 Magus (Kukuak) mantad 1:40 PM gisom do 1:55 PM (5:40 -5:55 UTC) id Diwan Plenary, 401/402 Suntec Convention Centre.
Wikimedia montok pomogunan Cosplay om ACG
Monugut do Morikabontuk Wikimedia montok momodimpot Generasi Kawaawagu. Rumo'o poingkuro cosplay, bontuk seni i ointutunan om eksperi di aanangan, milo gunoon montok mempromosi Wikimedia om toilaan poingukab id pialatan do komulakan. Iti nopo nga pangalapan montok toinsanan di orohian do mogiamung om montok di Wikimedian i katama do monginlumis. Isai nopo ii aanangan nga milo nogi moi intong do Asia Comics Expo ii kotilombus id Suntec ontok do 19 om 20 Ogos.
- Ampayat ontok do 19 Magus (Kukuak) mantad 1:55 PM gisom do 2:10 PM (5:55 -6:10 UTC) id Diwan Plenaro, 401/402
Iti no i piipiro abaabayan karamayan pomohiok ginawo id Wikimania 2023. Kiwaa ogumu po pomilian montok do pilion. Kada ilihai o kosiwatan diti montok miromut, mamaramai om nogi minsingilo kokomoi do Wikimedian suai. Alansan yahai do kaanu mirumo miampai dokoyu!
