2023 : Kouhupan pongusinan / FAQ

16-19 Magus 2023, Singapore om Sawat Talian
Kopogisuayan. Piuhupan. Timpu Dumontol.

Portal

Walai

Abaabayan

Panganjul

Pomodopitaran

Kapamanahan

Designs

Other

Pirumaan
Meetups
Exchange items
Kouhupan Pongusinan
Pomusarahan
Id Kahandaman

Kouhupan

Nunu o kouhupan pongusinan Wikimania?

• Soosongulun - Kouhupan kousinan nopo nga' garan di tahakon kumaa soosongulun moi do kaanu tumindapou id Wikimania 2023. Iti nopo nga' aanu mantad do Yayasan Wikimania ii popotounda dana montok sumakai kapal tulud, korita, tionon om mambayar pomodopitaran
• Haro nopo ponguhupan kousinan sapara ii maaambayar do sakayon, tionon om mambayar pomodopitaran.

Nuut: Pomodopitaran nopo nga' kohompit no sumuang id kinoyonon miampai taakanon om tiinumon maamaso do timpu koundorongon.

Timpu pangapalaian

Soira timpu montok mangapalai ponguhupan kousinan montok Wikimania 2023?

• Pangapalaian nopo nga' ukabon ontok tadau Tadtaru, 12 Milatok 2023 om otutupan ontok tadau Tiwang, 5 Mansak 2023 AoE (Hinggo-hinggo id pomogunan).
• Koutuson nopo nga' posunudon ontok Mikat 2023 om sanarai pangapalaian di nakalantoi nopo nga' posuangon id bolikan Ponguhupan Kousinan hiti.

Poingkuro proses kapanahakan ponguhupan kousinan Wikimania diti?

• Pangapalaian maya LimeSurvey, pohoson id liwang Yayasan Wikimedia.

Isai mogintong montok kapanahakan Ponguhupan Kousinan Wikimania diti?

Kapanahakan di naanu maamaso timpu pangapalaian intangan do Jawatankuasa Ponguhupan Kousinan.

Poingkuro kapanahakan diti intangan montok Ponguhupan Kousinan Wikimania.

• Tahangon sabaagi merit montok monimbar poguhatan.
• Patahakon kumaa toinsanan wilayah - haro o sanarai magandad montok monikid wilayah sokiro haro mangada tawaran diolo.

Maya umum, mangaga yahai do aliran kalaja montok koutuson kotohuri nopo nga' tumanud laang id siriba;

Laang 1: Papaatod pangapalaian

Laang 2: Magakun emel ii pootodon maya Limesurvey

Laang 3: Panantaban intangan do Jawatankuasa Tokoro Ponguhupan Kousinan

Laang 4: Mogintong kawagu ponguhupan kousinan om koutuson wonsoyon do Jawatankuasa Tokoro Ponguhupan Kousinan

Laang 5: Minokianu sunudan do koutuson om pokionuon o moklumat montok mangampal do sasakayon om tionon

Laang 6: Mangampal om magakun do sasakayon om tionon

Hinonggo oku milo mogihum ponokodung/ pokiuhupan maamaso proses mangapalai Wikimania?

Tinimungan Panganjul Teras montok Wikimania manahak do sokodung tumanud timpu upis ii tinahak do wilayah om maya monimbar poguhatan ii naanu do wikimaniascholarshipswikimedia.org Maya umum, sokodung di kohompit no:

• Popotolinahas poguhatan kokomoi kapaatadan om dana pokionuon
• Ahal di milo om au milo powonsoyon montok kapaatadan pangapalayan
• Laang potilombus montok kapaatadan kawagu
• Poingkuro sokiro au ku kaanu dana?

Nuut: Pangapalayan tumombului di nakalantoi, tionon maan uludo om baraian. Onuan ko do pautan pomodopitaran.

Pangapalaian

Ponguhupan kousinan nopo diti nga' montok no di kumoinsan nogi mampayat Wikimania?

• Posoguluonan dahai pangapalaian mantad isai-isai ii kaanu momogonop kriteria pokionuon miampai osonong montok monguhup kumaa nawayaan Wikimania om montok popoingkawas watas diolo kalapas di.

Okon oku soboogian mantad do puru piomungan. Milo oku mangapalai do ponguhupan kousinan?

• Soosongulun milo mangapalai dp ponguhupan kousinan maya individu, montok ponguhupan kousinan poimponu toi ko' soboogian.

Milo oku papaatod pangapalaian ku momoguno boros suai ko boros Inggiris?

• Milo. Ii mangapalai pasagaon do papatod pangapalaia momoguno boros suai ko Inggiriis hali pia papangkalon o boros Inggiris. Mogintong ponguhupan kousinan mogumbal do mogintong pangapalaian dii.

Piro rontob do dana?

• Aiso ginumu dolar toi ko' gatang montok ponguhupan kousinan do individu, mogiagal o proses kopomilian montok toinsanan watas

Milo oku papaatod pangapalaian montok ponguhupan kousinan katalib timpu kapaatadan?

• Montok mamabaya do koutuson kosoliwan tumanud timpu montok kaadangon do pangapalai suai, kapaatadan di naadahan au torimoon. Posoguon do pangapalian di nopo nga' pootodon piipiro tadau sobolum do tadauwulan kapaatadan montok mongilag au otorimo.

Poingkuro pangapalai poiloon kokomoi koutuson?

• Alamat emel pinotonggoi id pangapalaian gunoon montok popoilo nung nakalantoi no ko' amu ii pangapalaian. Toinsanan minangapalai maan romuto id iso timpu, miampai au mogintong koutuson.

Milo nangku ii mangapalai miampai soosongulun monyunting pangapalaian kalapas do nakaatod?

• Posoguon kumaa di mangapalai montok momodingkai pangapalaian diolo miampai osorisid om poposunud nunu ii minog tintod do papaatod.

Poingkur Ponguhupan Kousinan montok soosongulun maan intangai om maan patahako?

• Soira toinsanan pogintangan opongo do mogintong om toinsanan data otimung, Jawatankuasa Poguhupan Kousinan tumimung om mogibooboros kokomoi isai ii oboyo kaanu.

Nuut: Poposogu COT piipiro taang montok boros Inggiris kumaa tutumombului om sumiliu sukarelawan id ababayan. Kada paatod do pangapalaian induo; iti kaanu momoruhang kalaja kumaa di mogintong.

Polopuron om laang potilombus

Nunu pogontok do polopuran?

• Toun diti, sabaagi mogolon do polopuran, mokianu yahai di minangapalai do monokodung maya sumiliu sukarelawan maamaso ababayan. Misokodung yahai miampai diya montok mogihum tonggungan sukarelawan ii kosudong do kominagan, kabaan om nawayaan nu. Papalapur miampai sukarela nogi nga' unsubon.

Minangapalai oku montok ponguhupan kousinan nga a nakaanu. Nunu minog ku powonsoyon dinondo?

• Sokiro au ko nopili montok monorimo ponguhupan kousinan mantad Yayasan Wikimedia, mongunsub yahai diya montok rumomut do puru tinimungan id watas nu. Oduya haro o palan ponguhupan kousinan diolo di poinsondii toi ko' papaanjul do ababayan songkinoyonon.

Soira oku kaanu tisuli kokomoi Pangapalaian Ponguhupan Kousinan montok Soosongulun?

• Tawaran nopo na' tumimpuun do posoliwanon ontok tulan Ngiop, oboyo maganu timpu piipiro minggu tu' kowoowoyoon soboogian tulun di magantob diolo do monorimo. Pangapalai suai sumuku do puru tinimungan watas diolo sokiro momili ko pilihan dii. Toinsanan pangapalai sunudan do koutuson diolo miampai timpu di osikap.

Sokiro au ku kotindapou id Singapura, poingkuro oku tumanud?

• Haro pilian montok tumanud maya sawat talian tu' iti nopo nga' haro roromu do ababayan hibrid.
• Milo ko momili do papaanjul pesta mogintong, ababayan watas miampai aktiviti, toi ko' momonsoi ababayan id posorili kaampayatan id program Wikimania. Hali pia toun diti au yahai mambarai do ababayan satelit Wikimania mantad dana garan Wikimania, dana montok pirubaan milo pokionuon maya proses kapanahakan ponguupan kousinan.
• Nakaanu ponguhupan kousinan okon ko prapogontok montok tumindapou id Wikimania; milo ko nogi dumopitar montok rumikot sokiro kaanu ko mambarai kos sondii.

Ogumu po poguhatan ku nga' aiso id FAQ diti

Milo ko papaatod email: wikimania-scholarshipswikimedia.org

toi ko' momoruhang poguhatan nu id bolikan pokiuhupan.